एक घण्टा ढिलो गरी शुरू भयो मन्त्रिपरिषद्को बैठक

प्रधानमन्त्री निवास बालुवाटारमा मन्त्रिपरिषद्को बैठक शुरू भएको छ । बिहीवार मन्त्रिपरिषद्को नियमित बैठक बोलाइएको हो ।

हरेक साताको सोमवार र बिहीवार मन्त्रिपरिषद्को बैठक बस्ने गरेको छ ।  

आज दिउँसो ४ बजेका लागि बोलाइएको बैठक एक घण्टा ढिलो गरी शुरू भएको हो । 

प्रधानमन्त्री शेरबहादुर देउवा पर्साबाट काठमाडौं आउँदा ढिलो भएपछि मन्त्रिपरिषद्को बैठक प्रभावित भएको हो ।

आजको मन्त्रिपरिषद्को बैठकमा मन्त्रालयहरूबाट नियमित सामान्य प्रस्तावहरू मात्रै रहेको प्रधानमन्त्री तथा मन्त्रिपरिषद्को कार्यालयले बताएको छ ।