पोखरा, २२ असार - यति एयरलाइन्सको एउटा जहाज पोखरामा दुर्घटनाबाट जोगिएको छ । विमानको 'नोज ह्विल' अवतरण लगत्तै नगुडेर अड्किएको थियो । तर सो बेला जहाज दुर्घटनाबाट चाहिँ जोगियो ।
काठमाडौंबाट यात्रु लिएर पोखरा आएको ६०७ नाइन एन एजेसी कलसाइनको विमान पोखरा विमानस्थलमा अवतरणको क्रममा समस्यामा परेको थियो ।
विमानको नोज ह्विल नचलेको हो । तर दुर्घटना चाहिँ नभएको पोखरा विमानस्थलका प्रमुख भोलाप्रसाद गुरागाईंले बताए ।
नोज ह्विल लक भएपछि विमानलाई रन वेबाट हटाउन गाह्रो भएको थियो । सोही कारण आज दिउँसो करीब दुई घण्टा सम्म पोखरा विमानस्थलको उडान प्रभावित भएको थियो ।
अहिले चाहिँ यहाँको प्राविधिक टोलीले विमानलाई रन वेबाट बाहिर निकालेर मर्मत गर्दै छ ।
