०४ असार २०८३, बिहीबार
उत्तर प्रदेशको विधानसभा चुनावमा योगी आदित्यनाथको पार्टी भारतीय जनता पार्टी (बीजेपी) लाई भोट दिएको आरोपमा एक पतिले पत्नीलाई ‘तीन तलाक’को धम्की दिँदै घरनिकाला गरेका छन् ।
भारतीय सञ्चारमाध्यमले आजतकका अनुसार बरेलीमा भएको घटनामा नजमा उलमाका पति तस्लीम अन्सारीले उनलाई घरनिकाला गरेका छन् ।
विधानसभा चुनावमा बीजेपीले बहुमत ल्याएको छ । बहुमतसहित मुख्यमन्त्री योगी आदित्यनाथले पुनः शासन चलाउने भएका छन् ।
पतिको धम्कीपछि पीडित नजमाले केन्द्रीयमन्त्री मुख्तार अब्बास नकवीकी बहिनी फरहत नकवीलाई पीडा पोखेकी छन् । नजमामाथि उनका पतिले कुटपिट समेत गरेको गुनासो छ ।
मुस्लिम महिलालाई राहत पुग्ने गरी केन्द्र सरकारले तीन तलाकबारे कानून बनाएपछि महिलाले बीजेपीलाई भोट दिन थालेका छन् । तर बीजेपीलाई भोट दिएकोमा नजमाका पति असन्तुष्ट भएका छन् ।
