धरान उप.म.न.पा १० स्थित महेन्द्र बहुमुखी क्याम्पसमा नेपाल बैंक लिमिटेडको एक्सटेन्सन काउन्टर स्थापना भएको छ ।

शनिवार आयोजित एक कार्यक्रमका बीच बैंकका संचालक समिति सदस्य डा. सावित्री रंजित श्रेष्ठ र क्याम्पस प्रमुख दामोदर भण्डारीले संयुक्त रुपमा काउण्टरको उद्घाटन गरेका थिए । 

कार्यक्रममा बैंकका प्रदेश नं १ का प्रदेश प्रमुख सूर्य प्रकाश भट्ट, धरान शाखाका शाखा प्रबन्धक लगायतका बैंक कर्मचारीहरु तथा क्याम्पसका तर्फबाट प्राध्यापक, कर्मचारी तथा विद्यार्थीहरुको सहभागिता रहेको थियो ।  

वि.सं. २०१२ सालमा स्थापना भएको पूर्व क्षेत्रकै पुरानो क्याम्पस महेन्द्र बहुमुखी क्याम्पसमा हाल ५ हजार ५ सय भन्दा बढि विद्यार्थीहरु अध्ययनरत छन् ।