१० साउन २०८३, आइतबार
पेट्रोलियम पदार्थको मूल्य वृद्धिअनुसार ढुवानी भाडा नबढाएको भन्दै व्यवसायीले ढुवानी रोकेका छन् ।
सरकारसँग एक महिना अगाडि नै राखेको पेट्रोलियम पदार्थको ढुवानी भाडा बढाउनुपर्ने माग पूरा नभएकाले बाध्य भएर ढुवानी रोक्नुपरेको पेट्रोलियम ढुवानी व्यवसायी महासंघका महासचिव विश्व अर्यालले बताए ।
‘आजदेखि पेट्रोल, डिजेल र ग्यासको ढुवानी भाडा नबढाएसम्म ढुवानी गर्दैनौँ,’ उनले भने ।
आयल निगमले इन्धन खरिद गर्ने भारतीय डिपो र नेपालस्थित निगमको डिपोबाट डिलरले खरिद गर्ने सबै प्रकारका पेट्रोलियम पदार्थको ढुवानी रोकेर माग पूरा गराउन दबाब दिएको महासचिव अर्यालको भनाइ छ ।
व्यवसायीले ढुवानी रोकेपछि आयल निगमसँग स्टक नहुने भएकाले यसको प्रभाव भोलिदेखि नै बजारमा पर्न सक्छ ।
