०३ असार २०८३, बुधबार
साताको पहिलो दिन शेयर बजारमा दोहोरो अंकको गिरावट आएको छ ।
यस दिन नेप्से परिसूचक ३०.८९ अंकले घट्दै २५१३.४१ विन्दुमा कायम भएको छ ।
यस दिन सेन्सेटिभ सूचक ६.४४ अंकले घटेर ४६९.०३ विन्दुमा कायम भएको छ ।
यस दिन कुल २ सय २५ कम्पनीको ३२ लाख ५३ हजार ८१६ कित्ता शेयर १ अर्ब ४६ करोड ७ लाख ७३ हजार ७२९ रुपैयाँमा किनबेच भएको छ ।
आइतवार नेप्से परिसूचकसँगै कारोबार रकम पनि घटेको हो । यस दिन २८ हजार ११३ पटक कारोबार भएको छ ।
यसदिन लघुवित्ततर्फ लगानीकर्ताको आकर्षण देखिएको छ ।
राष्ट्र उत्थान लघुवित्त वित्तीय संस्था लिमिटेडको शेयरमूल्य १० प्रतिशतले वृद्धि भएको छ ।
यस्तै इमर्जिङ नेपाल लिमिटेड र नेष्डो लघुवित्त समृद्ध लघुवित्त वित्तीय संस्थाको शेयर मूल्य ९.९९ प्रतिशतले वृद्धि भएको छ ।
यस दिन जलविद्युततर्फका लगानीकर्ताले सर्वाधिक धेरै गुमाएका छन् ।
युनाइटेड आईडीआई मार्दी आरबी हाइड्रोपावर लिमिटेडको शेयर मूल्य आइतवार सर्वाधिक बढी ५.०२ प्रतिशतले घटेको छ ।
यस्तै सूर्य लाइफ इन्स्योरेन्स कम्पनी लिमिटेडको शेयर मूल्य ५.०१ प्रतिशतले घटेको छ ।
कारोबार रकमका आधारमा आइतवार सूर्य लाइफ इन्स्योरेन्स कम्पनी लिमिटेडको शेयर सर्वाधिक बढी ९ करोड ७२ लाख ५१ हजार २ सय ६९ रुपैयाँमा कारोबार भएको छ ।
यस्तै सिद्धार्थ इन्स्योरेन्स लिमिटेडको ५ करोड १ लाख २९ हजार १७५ रुपैयाँको शेयर किनबेच भएको छ ।
