०७ असार २०८३, आइतबार
अमेरिकाका राष्ट्रपति जो बाइडन ह्वाइट हाउसमा आयोजित समारोहमा अलमल्ल परेर भौंतारिएको एउटा भिडियो सार्वजनिक भएको छ ।
पूर्व राष्ट्रपति बाराक ओबामा ह्वाइट हाउस पुग्दा उनका प्रशंसकहरू खुरुरु उनीनजिक पुगेको अनि बाइडनलाई बेवास्ता गरेको भिडियोमा देखिन्छ ।
आफूलाई भीडले बेवास्ता गरेपछि बाइडनले हात उठाएर निराशा व्यक्त गरेका थिए ।
सर्वसुलभ स्वास्थ्य सेवा अर्थात् ओबामाकेयर शुरू गरेको १२ वर्ष पुगेको अवसरमा ओबामा ह्वाइट हाउस पुगेका थिए ।
बाइडनलाई मानिसहरूले बेवास्ता गरेर ओबामातर्फ ओइरिनुअघि चाहिँ दुई नेताले एकअर्काको प्रशंसा गरेका थिए । ओबामाको कार्यकालको स्मरण गर्दै उनीहरूले रमाइलो गरेका थिए । ओबामा राष्ट्रपति हुँदा बाइडन उपराष्ट्रपति थिए ।
