०३ साउन २०८३, आइतबार
राप्रपा नेपालका केन्द्रीय सदस्य पुरु दाहालले वडाध्यक्षमा टिकट नपाए बागी उठ्ने बताएका छन् ।
कैलालीको टीकापुर नगरपालिका-१ को वडाध्यक्षमा उम्मेदवारी घोषणा गरेका थिए । तर, एमाले र राप्रपा नेपालबीच तालमेल गर्ने सहमति भएपछि सो वडामा एमालेले अध्यक्ष पाउने सम्भावना बढेको छ ।
यदि एमालेले अध्यक्ष पाएको खण्डमा आफूले बागी भए पनि उम्मेदवारी दिने दाहाल बताउँछन् । ‘पहिले एमालेले जितेको भए पनि अहिले पार्टी फुटेपछि एकीकृत समाजवादीतिर धेरै लागेका छन्,’ उनले भने, ‘त्यसैले एमालेका उम्मेदवार उठ्दा जित्ने सम्भावना न्यून छ ।’ उनले आफूले सो क्षेत्रमा राम्रो काम गरेको र युवा पनि भएकाले आफूले नै टिकट पाउनुपर्ने धारणा राखे ।
दाहाल सो क्षेत्रमा पर्यटन र शिक्षण पेशामा आबद्ध भएर काम गरिसकेका नेता हुन् ।
