०८ साउन २०८३, शुक्रबार
सत्ता गठबन्धनको साझा उम्मेदवारको रुपमा मेयर पदमा फेरि उठ्ने भएपछि राजीनामा दिएकी भरतपुर महानगरपालिकाकी मेयर तथा माओवादी केन्द्रकी नेतृ रेनु दाहालको बिदाइ गरिएको छ । कार्यवाहक प्रमुख पार्वती शाह ठकुरीको उपस्थितिमा शुक्रबार महानगरपालिकाले दाहाललाई बिदाइ गरेको हो । सोही अवसरमा अर्को कार्यकाल चुनाव लड्न लागेका वडाअध्यक्ष तथा वडा सदस्यहरूलाई पनि महानगरपालिकाले बिदाइ गरेको थियो ।
कार्यवाहक प्रमुख पार्वती शाह ठकुरी र प्रमुख प्रशासकीय अधिकृत रामबन्दु सुवेदीले दाहालसहित वडाअध्यक्षहरू प्रकाश दवाडी ,चित्रसेन अधिकारी , विष्णुराज महतो ,राजेन्द्रमणि काफ्ले, विजय भुजेल लगायतलाई खादा लगाएर बिदाइ गरेका थिए ।
सो क्रममा कार्यबाहक प्रमुख ठकुरीले प्रमुख तथा अन्य वडाअध्यक्षहरूलाई आसन्न निर्वाचनमा विजयी भई पुनः स्वागत गर्न आफू आतुर रहेको भन्दै शुभकामना दिइन् । सो क्रममा दाहालले आफूले आसन्न स्थानीय निर्वाचनमा उम्मेदवारी दिने योजनाका साथ राजीनामा गरी निर्वाचनमा होमिएको बताउँदै कार्य सम्पादनको ५ वर्षको अनुभूतिसहितको मन्तव्य राखेकी थिइन् ।
दाहालले भरतपुर महानगरपालिका देशकै पालिकाहरुमा अब्बल बन्न सकेको भन्दै खुसी व्यक्त गरिन् । यो अवधिमा भरतपुर महानगरपालिकाले महानगरको समग्र विकासमा ठूलो छलाड्ग मारेको उनको भनाइ थियो ।
