कांग्रेस कार्यसम्पादन समितिको बैठक फेरि सरेको छ । 

शुक्रवार दिउँसो २ बजे पार्टीको केन्द्रीय कार्यालयमा बस्ने भनिएकोमा नेताहरूको कार्यव्यस्तताका कारण आज ११ बजेका लागि सारिएको थियो । 

तर, फेरि बैठकको समय सरेको छ । अब दिउँसो २ बजे बैठक बस्नेछ । बैठकले महानगर र उपमहानगरमा पार्टीको तर्फबाट लड्ने उम्मेदवारहरूको टुंगो लगाउने छ । 

सो बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई अनिवार्य उपस्थितिका लागि अनुरोध गरिएको पार्टी कार्यालयका मुख्यसचिव कृष्णप्रसाद पौडेलले जानकारी दिए । 

बालुवाटारमा अहिले पार्टीका शीर्ष नेताहरूबीच अनौपचारिक छलफल भइरहेको छ ।