०६ साउन २०८३, बुधबार
स्थानीय निर्वाचनका लागि भएका तालमेलप्रति विभिन्न दलका नेताहरुले असन्तुष्टि जनाइरहेका छन् । तालमेल सही नभएको भन्दै विभिन्न दलका नेताहरुले असन्तुष्टि पोख्दै आएकोमा यो क्रम अझै नरोकिएको हो ।
असन्तुष्टिकै बीच सोमबार सम्पन्न मनोनयन दर्ताका क्रममा बागी उम्मेदवारी समेत परेका छन् । विशेषगरी सत्ता गठबन्धनभित्र भएका चुनावी तालमेलमा बागी उम्मेदवारी धेरै परेक छन् ।
यहीबीचमा माओवादी केन्द्रमा पनि असन्तुष्टिका स्वर सुनिएका छन् । माओवादी केन्द्रका नेता लेखनाथ न्यौपाने लगायतका नेताले तालमेल घातक हुने बताउँदै आएका बेला सोही पार्टीको काठमाडौंकी नेत्री रुपा महर्जनले पनि असन्तुष्टि पोखेकी छन् ।
उनले गठबन्धनले माओवादी आन्दोलन नै धरापमा पर्ने चेतावनी दिएकी छन् । ‘समग्र काठमाडौंमा गठबन्धन नामको नाटकले माओवादी आन्दोलन नै धरापमा पर्ने खतरा’, उनले सामाजिक सञ्जालमा भनेकी छन्, ‘केही निहीन स्वार्थका कारण गरिएको सम्झौताका कारण परिणाम अझै खतरापूर्ण हुने अवस्थामा... ।’
