चैत २५, २०७९
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
बैशाख १४, २०७९
पाँच वर्ष उपमेयर चलाउनु मेरो लागि चुनौती र अवसर दुवै रह्यो । जनतासँग सरोकार हुने विषयमा मैले प्रत्यक्ष काम गर्ने अवसर पाएँ । जनतालाई आफूनजिक नै सरकार भएको अनुभूति दिलाउन म सफल भएँ । समस्या समाधानका लागि सहजीकरण गर्ने र विकल्प दिने काममा सफल भएकाले म समस्या समाधान गर्न सक्षम छु भन्ने अनुभव मलाई भयो ।
हुन त हामीलाई पर्याप्त समय उपलब्ध भएन । कोरोनाका कारण लगाइएको लकडाउनले पनि हामीलाई समस्या पारिदियो । तैपनि जनताको अपेक्षाअनुरूपको काम गर्न हामी सफल भयौं । नगरवासीलाई समृद्ध बनाउन हामी तत्पर रह्यौं ।
शिक्षा, स्वास्थ्य र कृषिमा हामीले जोड दियौं । शिक्षाको कुरा गर्नुपर्दा हामीले पूर्वाधार बनायौं र शिक्षक दरबन्दी पनि सिर्जना गर्यौं । स्वास्थ्यको कुरा गर्दा, हामीले प्राथमिक चौकीहरूमा औषधिको अभाव हुन दिएनौं । उपमहानगरपालिकाका २४ वटै वडामा हामीले आधारभूत स्वास्थ्य चौकीको अवधारणा ल्यायौं । कोरोनाकालमा आइसोलेसनदेखि लिएर राहतसम्म सबैको व्यवस्थापन हामीले गर्यौं ।
कृषि र स्वरोजगारको क्षेत्रमा पनि हामीले काम गरेका छौं । अपांगता भएका व्यक्तिहरूलाई सेवासुविधा उपलब्ध गरायौं ।
अनि बाटोघाटो र पुलहरू बनाउन पहल गर्यौं । यी सबै काममा संलग्न रहेको आधारमा मलाई मेयरको उम्मेदवार बन्ने योग्यता निर्माण भएको अनुभव भयो ।
अनियमितताको आरोपको खण्डन
हामीले अनियमितता भ्रष्टाचार गरेको भनेर अफवाह फैलाइएको छ । हामीविरुद्ध अख्तियारमा उजुरीको चाङ छ भनेर हल्ला गरियो । तर त्यो उजुरी मात्र हो, अदालतबाट भ्रष्टाचार ठहर भएको हैन । उपभोक्ता समितिहरूले गरेको काम अर्को पक्षलाई मन नपरेको आधारमा उजुरी दिइएको थियो । भ्रष्टाचार भएको त प्रमाणित हुनुपर्यो नि ! अनियमितता भन्दा पनि जनप्रतिनिधिलाई शुरूमा कार्यभार सम्हाल्दा कानूनको ज्ञान नभएकाले केही गाह्रो परेको थियो ।
उपमहानगरपालिकाका लागि पाँच वर्षको भिजन
हाम्रो पार्टीले सुशासनयुक्त नगर बनाउने घोषणा गरेको छ । स्वच्छ र हराभरा नगर बनाउने योजना पनि हामीले बनाएका छौं । अघिल्लो चुनावमा हामीले जितपुर सिमरालाई मेगासिटी र स्मार्टसिटी बनाउनका लागि आधारशिला तयार गर्ने भनेका थियौं । तर आमजनताले पाँच वर्षमा मेगासिटी बन्छ भनी बुझे । त्यसका लागि पनि सपना त देख्नुपर्यो । त्यो सपना पूरा गर्न हामी लागिपरेका छौं ।
फोहर व्यवस्थापन गर्न हामीले सकेनौं किनकि ऐलानी जग्गामा फोहर फाल्नका लागि विभिन्न समस्या देखिए । तर आगामी पाँच वर्षमा हामीले डम्पिङ साइट बनाइसकेका हुनेछौं । फोहरलाई रिसाइकल गर्ने पूर्वाधारहरू हामीले तयार पारिसकेका हुनेछौं ।
यहाँ ध्वनि प्रदूषण र कलकारखानाबाट हुने प्रदूषणको समस्या पनि छ । त्यसलाई नियन्त्रण गर्न हामीले उद्योगहरूसँग सम्झौता गरेका छौं र भविष्यमा पनि गर्नेछौं । हामी वातावरण विज्ञ नै नियुक्त गरेर यसमा अघि बढिरहेका छौं । उद्योग कलकारखाना सञ्चालकहरूले पहिलेभन्दा अहिले अलि सुधार गर्नुभएको छ ।
आगामी दिनमा हामीले बाटोघाटोहरूमा सुधार ल्याउनेछौं । अघिल्लो चुनावमा हामीले बाटो फराकिलो र पक्की बनाउने वाचा गरेका थियौं । त्यसमध्ये ५० प्रतिशत काम हामीले सम्पन्न गरिसकेका छौं । गाउँगाउँ दूरदराजमा जाँदा पनि अहिले राम्रै बाटाहरू बनेका छन् । बाटो नभएको ठाउँमा गोरेटो बाटोलाई विस्तार गरेर अनि ग्राभेल गरेर हामीले राम्रो बनाएका छौं । चुनाव जितिसकेपछि हामीले त्यसमा कालोपत्रे पनि गर्ने अवधारणा लिएका छौं ।
गठबन्धनविरुद्ध प्रतिस्पर्धा
पाँच दलले गठबन्धन बनाएको भए पनि हामी उनीहरूका विरुद्ध एक्लै लड्न तयार छौं । हाम्रो पार्टीले जुन नीति ल्याउँछ, त्यो गरेर देखाउँछ । हाम्रो संगठन बलियो छ, हामीसँग जनाधार छ र हाम्रो पार्टीप्रति जनताको विश्वास छ । त्यसैले गठबन्धनसँग लड्नका लागि हामी पूर्ण आत्मविश्वासका साथ मैदानमा आएका छौं ।
म पार्टीको केन्द्रीय सदस्य पनि हुँ । मलाई पार्टीका साथीहरूले माथि प्रदेश वा संघमा जान भनेका पनि थिए । तर म आमजनतासँग जोडिएर काम गर्न चाहन्थें र नगरपालिका त्यसका लागि उपयुक्त ठाउँ हो । त्यसैले मैले पार्टीसँग मेयरको टिकट मागें ।
जनताको साथ पाएकाले जित्नेमा ढुक्क
मलाई विश्वासै गरेर पार्टीले टिकट दिएको हो । मैले पार्टीलाई उपमेयरका रूपमा गरेको कामको फेहरिस्त लगाएर म मेयरका लागि योग्य छु र जितेर पनि देखाउँछु भनेको थिएँ ।
मेरा नगरवासीहरूले मलाई साथ सहयोग दिनुहुनेछ भनी म आश्वस्त छु । उपमेयरका रूपमा मैले उहाँहरूको आशा भरोसा जितेको छु । मैले जनाधार र संगठन बनाएको छु । पार्टीको माथिल्लो तहका नेताहरूसँग मैले सुमधुर सम्बन्ध बनाएको र विश्वास पनि जितेको भएर उहाँहरू मलाई जिताउन खटिनुभएको छ ।
मैले मेयरको टिकट पाउँदा पार्टीमा कोही पनि असन्तुष्ट छैन । मेयर पदमा हाम्रो पार्टीबाट १० जनाको दाबी थियो । तर जसले टिकट पाए पनि सबै मिलेर सहयोग गर्ने र पार्टीलाई चुनाव जिताउने भनी हामीले प्रतिबद्धता गरेका छौं । पार्टीमा भित्री अन्नतरद्वन्द्व त्यस्तो केही पनि छैन ।
'पहिलेको भन्दा बढी मत ल्याएर जित्छु'
अघिल्लो पटकको चुनावमा मैले १४ हजार ३६२ मत ल्याएर जितेको थिएँ । अहिले मतदाता संख्या बढेको छ । समग्रमा भन्नुपर्दा मैले १५ देखि १६ हजार मत ल्याएर जित्ने आकलन गरेकी छु । एकीकृत समाजवादीले मेरो भोट काट्छ जस्तो लाग्दैन । उहाँहरूले गठबन्धनको पक्षमा भोट माग्नुहुन्छ, म आफ्नो पार्टीका लागि माग्छु । तर जनतालाई थाहा छ, मैले उपमेयरका रूपमा काम गरेको छु । उहाँहरूले विश्वास गरेर मलाई जिताउनुहुनेछ ।
(जितपुर–सिमरा उपमहानगरपालिका प्रमुख पदकी एमाले उम्मेदवार सरस्वती चौधरीसँग लोकान्तर लागि विन्देश दहाल र उद्धव थापाले गरेको कुराकानीमा आधारित ।)
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ । माओवादीको विधा...
बुटवल विकासका दृष्टिले काठमाडौंपछिका प्रमुख शहरमध्ये एक मानिन्छ । बुटवल धेरै क्षेत्रमा देशलाई नेतृत्वदायी भूमिका खेल्ने शहर पनि हो । २०७९ मा भएको स्थानीय तहको निर्वाचनपछि बुटवल उपमहानगरपालिकामा दोस्रो कार्यकाल...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...