२९ जेठ २०८३, शुक्रबार
भारतीय कांग्रेस पार्टीका पूर्व अध्यक्ष राहुल गान्धी यतिखेर नेपाल भ्रमणमा छन् ।
नेपाल भ्रमणका समयमा उनको भिडियो सामाजिक सञ्जालमा भाइरल भइरहेको छ ।
काठमाडौंको एक नाइटक्लबमा देखिएका गान्धीको सो भिडियो भारतमा बढी भाइरल भइरहेको छ ।
यस भिडियोमा भारतीय कंग्रेस पार्टी र राहुल गान्धीमाथि विभिन्न ट्रोलहरू बनिरहेका छन् ।
विपक्षी दल बिजेपी प्रवक्ता शहजाद पूनावालाले राहुल गान्धी के गरिरहेका छन्, त्यो उनको निजी मामिला भएको बताएका छन् ।
आजतकसँगको कुराकानीमा उनले यस्तो प्रतिक्रिया दिएका हुन् ।
भारतका केन्द्रीय मन्त्री किरेन रिजिजूले राहुल गान्धीको भिडियो शेयर गर्दै भ्याकेसन, होलिडे, ट्रिप तथा निजी विदेश भ्रमण आदिले अब देशका लागि कुनै नयाँ कुरा नभएको बताएका छन् ।
यता विजेपीकै नेता कपिल मिश्राले ट्वीट गर्दै राहुल गान्धीको निजी जिन्दगीको मामला हैन, राहुल गान्धी कसको साथ छन् ? उनले प्रश्न गरेका छन् ।
यसै बीचमा भारतीय कंग्रेसले गान्धीबारे आधिकारिक धारणा सार्वजनिक गरेको छ ।
कंग्रेसका प्रवक्ता रणदीप सुरजेवालाले गान्धी मित्र देश नेपालमा साथीको बिहेका लागि गएको बताएको भास्कर दैनिकले खबर लेखेको छ ।
एक पत्रकार साथीको विवाह समारोहमा उनी गएका हुन् । विवाहमा जानु अपराध हैन,’ प्रवक्ता सुरजेवालालाई उदृत गर्दै दैनिक भाष्करले लेखेको छ, आजबाट बिजेपीले विहेमा जानु गैर कानूनी हो र साथी बनाउनु पनि हो भन्न सक्छ ।’
प्रवक्ता सुरजेवालाले साथी र परिवारको सदस्यको विवाहमा जानु रितिरिवाज समेत भएको उनले बताएका छन् ।
