भारतीय काँग्रेस आईका उपाध्यक्ष राहुल    गान्धी    सोमबार     काठमाडौँ आएका छन् ।

 भारतीय  विमान  भिस्टारा  'यूके –१५५’    जहाजबाट  सोमबार  दिउँसो   ४ः०८  बजे   उनी  काठमाडौंस्थित त्रिभुवन   अन्तर्राष्ट्रिय   विमानस्थलमा ओर्लिएका थिए   ।

विवाह  समारोहमा  सहभागी  हुन  पाहुनाका रूपमा काठमाडौं आएका गान्धीको  भ्रमण अनौपचारिक तथा नितान्त व्यक्तिगत  रहेको   भन्दै   गोप्य  राखिएको   छ  ।

पूर्वजानकारीबिना  काठमाडौं  ओर्लिएका गान्धीसँग   प्रहरीले    सुरक्षा   व्यवस्थाबारे  चासो    व्यक्त   गरेको    थियो   ।  

प्रहरीका अनुसार   गान्धीले   आफू  निजी  र   पारिवारिक समारोहमा   सहभागी   हुन   काठमाडौं आएकाले   त्यस्तो   कुनै   औपचारिक  सुरक्षा आवश्यक नपर्ने  बताएका थिए  ।

गान्धीको    भनाइ  उद्धृत  गर्दै    एक  सुरक्षा    अधिकारीले भने,    “निजी    र     पारिवारिक समारोहमा  सहभागी  हुन  आएको    हुँ  ।  त्यस्तो    औपचारिक   सुरक्षा   आवश्यक पर्दैन  ।”  

गान्धी   काठमाडौं   ओर्ले लगत्तै  नक्सालस्थित  होटल  मारिएट  पुगेका थिए  । गोरखापत्र दैनिकमा खबर छ ।