मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
बैशाख २६, २०७९
कैलालीको कैलारी गाउँपालिकामा आसन्न निर्वाचनको सरगर्मी निकै चढेको छ ।
उम्मेदवारहरू आफ्नै प्रचार शैलीका साथ मतदाता रिझाउन व्यस्त छन् । बिहान चियाको चुस्कीसँगै शुरू हुने विभिन्न उम्मेदवारको घरदैलो अभियान अबेर रातिसम्म चल्छ ।
सरकारको प्राकृतिक स्रोत तथा वित्त आयोगले तयार पारेको कार्यसम्पादन मूल्यांकन प्रतिवेदनअनुसार कैलारी गाउँपालिका ७६.४९ अंक प्राप्त गरी मुलुककै उत्कृष्ट पाँचौं पालिकामध्ये परेको छ । जसको नेतृत्वका लागि उम्मेदवारबीच प्रतिष्ठाको लडाइ देखिएको छ ।
२०७४ सालको निर्वाचनताका प्रतिपस्पर्धा गरेका प्रतिस्प्रर्धी नै मुख्य प्रतिस्पर्धीका रूपमा देखिएका छन् । अघिल्लो निर्वाचनमा नेकपा माओवादी केन्द्रका उम्मेदवार लाजुराम चौधरी ६ हजार २०४ मत ल्याई विजयी भएका थिए । उनका निकटतम प्रतिद्वन्द्वी नेपाली कांग्रेसका राजसमझ चौधरी ५ हजार ८८७ मतमा सीमित हुन पुगे । तेस्रो स्थानमा रहेका राष्ट्रिय प्रजातन्त्र पार्टी (राप्रपा) उम्मेदवार होमबहादुर गुरुङले २ हजार ७८३ मत प्राप्त गरेका थिए ।
तत्कालीन मधेशी जनाधिकार फोरम लोकतान्त्रिकका उम्मेदवार कलेसुराम चौधरी २ हजार ४२३ मत, तत्कालीन नयाँ शक्ति पार्टीका गंगा चौधरीले २ हजार ७० मत र नेकपा एमालेका रामप्रसाद चौधरीले १ हजार ६२२ मत प्राप्त गरेका थिए ।
२०७९ वैशाख ३० गते हुने निर्वाचनमा माओवादी केन्द्र र नेपाली कांग्रेसबीच कडा प्रतिस्पर्धा हुने आकलन गरिएको छ । अघिल्लो निर्वाचनका अधिकांश प्रतिस्पर्धीहरू हाल दोहोरिएका छन् ।
निवर्तमान गाउँपालिका अध्यक्ष समेत रहेका लाजुराम चौधरी तथा उनको पार्टी नेकपा माओवादी केन्द्र कुनै पनि हालतमा आफ्नो विरासत जोगाउने कसरतमा छ । पुनः उम्मेदवारी दिएका नेपाली कांगेसका उम्मेदवार राजसमझ चौधरी जसरी पनि जित्नुपर्ने भन्दै लागि परेका छन् ।
माओवादी र कांग्रेस एकअर्काविरुद्ध आक्रमक ढंगले चुनावी प्रचारमा छन् । सत्तारुढ गठबन्धनभित्रका दलमध्ये माओवादीले प्रमुख र कांग्रेसले उपप्रमुख पाउने सहमति भएको थियो तर कांग्रेसले सहमति नमानेपछि माओवादी केन्द्रले धोकाका रूपमा लिएको छ ।
गाउँपालिकास्थित विपतपुर मुक्तकमैया शिविरमा आयोजित चुनावी सभालाई सम्बोधन गर्दै माओवादी केन्द्रका केन्द्रीय सदस्य तथा प्रदेश सांसद वीरमान चौधरीले कांग्रेसले बागी उम्मेदवारी दिन लगाएर कैलारीमा घात गरेको बताए । यद्यपि आफूहरूको जीत सुनिश्चित हुने धेरै आधार रहेको उनले बताए ।
नेपाली कांग्रेसका उम्मेदवार राजसमझ चौधरीले स्थानीय माओवादी केन्द्र र कांग्रेसबीचको सहमति अनुसार आफूहरू मित्रवत प्रतिस्पर्धामा गएको स्पष्ट पारे । अघिल्लो निर्वाचनमा आफूले हार व्यहोरेको बताउँदै उनले हारलाई उल्ट्याएरै छाड्ने बताएका छन् । यहाँको विकास र समृद्धिका लागि विभिन्न एजेण्डासहित चुनावमा होमिएको उनले बताए ।
टोलटोलमा बंगुर पार्टी दिन थालियो : गुरुङ
अघिल्लो निर्वाचनमा तेस्रो स्थानमा रहेका राप्रपा उम्मेदवार गुरुङले पनि अध्यक्ष पदमा उम्मेदवारी दिई मैदानमा होमिएका छन् । गाउँपालिकामा त्रिकोणात्मक प्रतिस्पर्धा रहेको बताउँदै उनले अरु दलमाथि निषेधको रणनीति अपनाएको भन्दै आपत्ति जनाए ।
उनले भने, ‘वडा नम्बर १ र ३ का मेरा कार्यकर्तालाई नियन्त्रणमा लिने, राति–राति बंगुर, खसी काटेर भोज दिने काम कांग्रेसले गरिरहेको छ । निकै भड्किलो चुनावी प्रचारशैली कांग्रेसको छ । माओवादीको पनि धम्कीपूर्ण प्रचारशैली छ ।’
गुरुङले आफ्नो प्रतिष्ठाको लडाइभन्दा जनताको आवश्यकताको आधारमा आफ्नो उम्मेदवारी रहेको दाबी गरे ।
माओवादी केन्द्रका उम्मेदवार समेत रहेका निवर्तमान गाउँपालिका अध्यक्ष लाजुराम चौधरीले गाउँपालिकालाई मुलुककै नमूना गाउँपालिका बनाउन आफूहरू सफल भएको बताउँदै ग्रीन र स्मार्ट गाउँपालिका बनाउने अवधारणाका साथ विभिन्न अग्रगामी विकासका एजेण्डाका साथ पार्टीले पुनः आफूलाई दोहोर्याएको बताए ।
अघिल्लो निर्वाचनमा माओवादी केन्द्रले अध्यक्ष, उपाध्यक्षसहित ५ वडामा जितेको थियो । ९ वडा रहेको गाउँपालिकाको २ वडा कांग्रेस, १ वटा वडामा तत्कालीन मधेशी जनाधिकार फोरम लोकतान्त्रिक र १ वडामा स्वतन्त्र उम्मेदवारले जितेका थिए ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...