×

Nic Asia
Marvel

स्थानीय चुनाव

विराटनगरमा राम्रो माहोल बनेको छ, अत्यधिक मतले अगाडि छौं– नागेश कोइराला [अन्तर्वार्ता]

विराटनगर | बैशाख २६, २०७९

TVS INSIDE

नेपाली कांग्रेसको प्रभाव रहेको विराटनगर महानगरपालिकाको मेयरका लागि सत्तारुढ गठबन्धनका तर्फबाट नेपाली कांग्रेसका नेता नागेश कोइराला चुनावी मैदानमा छन् । 

IME BANK INNEWS
morang Auto yamaha

कांग्रेस संस्थापक बीपी कोइराला, गिरिजा र अहिलेको पुस्ताका नेता डा. शेखर कोइरालाको समेत गृहनगर रहेको विराटनगरको मेयरका लागि पाँचदलीय गठबन्धनको तर्फबाट कांग्रेस युवा नेता नागेश चुनावी प्रतिस्पर्धामा छन् । 


Advertisment
NMB BANK
Saurya island

मेयर निर्वाचित भएमा गर्ने योजना र एजेन्डालगायत विषयमा मेयरका प्रत्यासी कोइरालासँग लोकान्तरका लागि विन्देश दाहालउद्धव थापाले कुराकानी गरेका थिए ।प्रस्तुत छ, कुराकानीको अंश :​

चुनावी अभियानमा हुनुहुन्छ, घरदैलो गरिरहनुभएको छ । कत्तिको थकाइ लागेको छ ?

Vianet communication
Maruti inside

पहिलेदेखि नै संगठनमा लागेको मान्छे, खट्दाखेरी केही समस्या भएको छैन । नियमितरूपमा खटिरहेको हुँदा अहिले खट्दा कुनै समस्या छैन । 

माहोल कस्तो बनिरहेको छ ?

नेपाली कांग्रेस र गठबन्धनको पक्षमा राम्रै माहोल बनिरहेको छ । 

जित्ने प्रक्षेपणको आधारमा तपाईं अहिले आफ्नो प्रतिस्पर्धीभन्दा कति अन्तरले अगाडि हुनुहुन्छ ?

अत्यधिक बहुमतले अगाडि छौं जस्तो लाग्छ । हाम्रो जीत सुनिश्चित छ । 

विराटनगर महानगरपालिकालाई नागेश कोइराला मेयरको रूपमा किन आवश्यक पर्‍यो ?

म यहीँ कोशी अञ्चल अस्पतालमा जन्मेको हुँ । मेरा इष्टमित्र र नातागोता सबै यतै हुनुहुन्छ । इमान्दार मान्छे, सही मान्छे मेयर बन्न पायो भने नगरको हित हुन्छ भनेर सबैले भनिरहनुभएको छ । मेरो चाहना पनि विराटनगर बनाउने नै हो । मैले पब्लिक एडमिनिस्ट्रेसन अर्थात् जनप्रशासनमा मास्टर्स गरेको पनि मेयर पद चलाउनका लागि उपयोगी हुन्छ भनेरै हो । यी सबै कारणले गर्दा विराटनगरको मेयर बन्ने योग्यता मसँग छ । 

तपाईं मेयर निर्वाचित हुनुभएमा विराटनगरमा मुख्य पाँचवटा के काम गर्नुहुन्छ ?

पहिलो, करको दायरा कडाइका साथ बढाउने र कर घटाउने । दोस्रो, महानगरपालिकाले अस्पताल बनाउने र त्यसमा स्थानीयहरूले सहुलियत दरमा निजी अस्पतालको जस्तो सुविधाका साथ उपचार पाउने । तेस्रो, विराटनगरको कुनै निमुखा विद्यार्थीले पढ्ने चाहना राख्छ भने महानगरपालिकाले उसको जिम्मा लिएर उसलाई पढाउने अनि सामुदायिक र निजी दुवै विद्यालयको गुणस्तर बढाउने ।

चौथो, विराटनगरमा रहेका खानेपानीका पाइपहरू बदल्ने र शहरवासीले धारामा थापेको पानी सिधै पिउन मिल्ने गरी गुणस्तर सुधार्ने । पाँचौं, विराटनगरलाई सफा बनाउने । यी आधारभूत एजेन्डा हुन् । यसबाहेक समुन्नत, हराभरा, सुरक्षित र आत्मनिर्भर विराटनगर बनाउनेछु । 

तपाईंलाई कांग्रेसभित्र पनि शेखर कोइराला पक्षको उम्मेदवारका रूपमा चित्रित गरिन्छ । यसमा तपाईंको के टिप्पणी छ ?

मैले १३ वर्षसम्म पार्टीको संगठन तरुण दलको अध्यक्ष भएर काम गरें । संगठन चलाएपछि म पार्टीमा निर्वाचित कोषाध्यक्ष समेत भएँ । त्यसपछि एक कार्यकाल म निर्वाचित सचिव भएँ ।

अहिले म निर्वाचित उपसभापति छु । पार्टीका लागि मैले यति धेरै काम गर्दा पनि म मेयर पदका लागि योग्य ठहरिन्नँ होला त ? हो, डा. शेखर कोइरालाले मलाई टिकट दिलाउन पहल गर्नुभएको हो । तर पार्टी सभापति तथा अन्य शीर्ष नेतृत्वले पनि म जत्तिको मान्छेले नगर चलाउन सक्छ भनेर विश्वास गर्नुभएकैले मैले टिकट पाएको हुँ । 

तपाईं मेयरको उम्मेदवार हुँदा विराटनगर कांग्रेस कत्तिको खुशी छ ? 

महानगरपालिकाको सभापति र सचिव एकदमै खुशी हुनुहुन्छ । उहाँको साथ सहयोगले गर्दा पनि मलाई सजिलो भइराखेको छ । 

कांग्रेसमा अन्तर्घात पहिलेदेखि नै समस्याको रूपमा रहिआएको छ । तपाईं त्यसबाट मुक्त हुनुहुन्छ ?

अहिलेसम्म मुक्त नै छु । कतैकतै छिटपुट त्यस्तो घटना हुने गरेको सुनेको छु मैले । तर त्यस्तो गर्ने साथीहरू सुध्रिनुहुन्छ भन्ने आश मैले गरेको छु । पार्टीको विधान र पद्धतिभन्दा बाहिर गएर ओहोदामा बसेका व्यक्तिहरूले र कार्यकर्ताहरूले गडबड गर्नुभएमा त्यहीअनुसारको सजाय पाउनुहुन्छ ।

विराटनगर धेरै ठूलो ठाउँ हैन । एकअर्काले के गर्छ भनी सबैलाई छर्लंग नै छ । अहिलेसम्म त सबैले सहयोग गरिरहनुभएको छ । कथंकदाचित् कसैले दुःख दिएछ भने उसलाई त्यहीअनुसार पार्टीबाट कारवाही हुन्छ । पार्टीको अनुशासन समिति, केन्द्रीय सभापति, केन्द्रीय समिति छ, महाधिवेशन प्रतिनिधिहरू हुनुहुन्छ– सबैले यसलाई मिलाएर अघि बढ्नुहुनेछ । 

स्थानीय तहको चुनाव एकदमै खर्चिलो भयो भनेर धेरैतिर हामीले गुनासो सुन्यौं । तपाईंहरू चुनावी खर्चको व्यवस्थापन कसरी गरिरहनुभएको छ ?

धेरै खर्च गरिँदैन । त्यही ५ लाख जति खर्च हुन्छ होला । भर्खरै पार्टीको महाधिवेशन सकिएको छ । सबै संगठन बनेकै छ र चुस्तदुरुस्त छ । सबै साथीहरू उत्सुक छन् । नेपाली कांग्रेसलाई भोट दिने र जिताउने भनिरहेका छन् सबैले । साथीहरूले आ–आफ्नो ठाउँमा बसेर सबै कुरा व्यवस्थापन गरिरहनुभएको छ । सहजीकरण पनि भइरहेकै छ । 

नागेश कोइराला प्रशस्त सम्पत्ति भएको मान्छे हुनाले भ्रष्टाचार गर्दैनन् तर चुनावमा प्रशस्त खर्च गर्न सक्ने उम्मेदवार उनै हुन् भन्दा रहेछन् नि । 

कांग्रेसमा लाग्ने हामी सबै साथीहरू बराबर हौं । हामी एउटै परिवारका सदस्य हौं । कसैको आर्थिक स्थिति राम्रो होला, कसैको ठीकै होला तर हामी सबै एकै हौं । चुनावमा अनावश्यक खर्च गर्नुपर्ने नै छैन । भर्खर महाधिवेशन सकिएको छ । हामीले धेरै तामझाम गर्नै पर्दैन । निर्वाचन आयोगले धेरै तडकभडक नगर्न निर्देशित पनि गरेको छ । त्यसले झन् सजिलो बनाएको छ । 

अन्तिममा, विराटनगरवासीहरूलाई तपाईं के अपील गर्नुहुन्छ ? 

विराटनगर साँच्चिकै बनाउने भिजनरी, इमान्दार अनि जनताले कर तिरेको पैसा जनताकै हितमा प्रयोग गर्ने मान्छेलाई भोट दिनुस् । सबल र सक्षम मान्छेलाई जिताउनुस् ।

नेपाली कांग्रेसको तर्फबाट र गठबन्धनको तर्फबाट मेयरको भोट रुख छापमा र उपमेयरको भोट छाता छापमा हाल्न अनि वडाध्यक्ष सहित सम्पूर्ण उम्मेदवारलाई रुख वा गाछी छापमा भोट दिएर अत्यधिक बहुमतका साथ विजयी गराइदिनुहुन म अनुरोध गर्छु । 

TATA Below
NLIC
बैशाख २७, २०७९

देशको राजधानी शहर रहेको काठमाडौं उपत्यका भित्रको दोस्रो ठूलो महानगर ललितपुरको मेयरका लागि गठबन्धनको तर्फबाट नेपाली कांग्रेसका उम्मेदवार चिरिबाबु महर्जन चुनावी प्रतिस्पर्धामा छन् । २०७४ सालको प्रतिस्पर्धात्मक निर्वा...

बैशाख २५, २०७९

२०७४ को स्थानीय तह चुनावमा खुलेर प्रचारसमेत गर्न नपाएको नेकपा एमालेले अहिले जनकपुर उपमहानगरपालिकामा सशक्त चुनावी प्रचार गरिरहेको छ । शहरदेखि गाउँसम्म एमालेको झण्डा र चुनाव चिह्न फहराइएका छन् ।  एमाल...

बैशाख २५, २०७९

जनकपुरधाम उपमहानगरपालिकामा पाँच वर्ष मेयर रहेका लालकिशोर साह नयाँ कार्यकालका लागि पुनः चुनावी मैदानमा उत्रेका छन् । दल परिवर्तन गरी जनता समाजवादी पार्टीमा प्रवेश गरेका साहलाई जनकपुरधाम उपमहानगरपालिकामा गठ...

बैशाख २३, २०७९

सत्ता गठबन्धनका तर्फबाट चितवनको भरतपुर महानगरपालिकामा माओवादी नेत्री रेनु दाहाल उम्मेदवार छिन् । भरतपुर महानगरमा हुने चुनावको नतिजासँग सत्ता गठबन्धनको भविष्य जोडिएकाले पनि यहाँको चुनावलाई निकै चासोक...

जेठ १२, २०७९

जनता समाजवादी पार्टीका कार्यकारिणी समिति अध्यक्ष उपेन्द्र यादवले गठबन्धनका घटक दलहरूबाट जसपाका उम्मेदवारलाई हराउनका लागि राजनीतिक षड्यन्त्र र बेइमानी भएको आरोप लगाएका छन् । लोकान्तरसँगको अन्तर्वार्तामा उनले गठब...

बैशाख २६, २०७९

प्रदेश १ को एक मात्र महानगरपालिका विराटनगरमा नेकपा एमालेबाट सागर थापा मेयर पदका उम्मेदवार छन् । कांग्रेसको परम्परागत गढ विराटनगरमा मेयर बन्छु भनेर प्रतिस्पर्धामा उत्रिएका थापा आफूलाई भुइँमान्छेका रूपमा चित्र...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

ad
x