जिल्ला प्रशासन कार्यालय ओखलढुंगाले एउटा वडाका मतदाता अर्को वडामा जान रोक लगाएको छ । प्रशासनले एक सूचनामार्फत विनाकारण एक वडा वा टोलका मतदाता अर्को कुनै वडा वा टोलमा आवतजावत गरेमा कानून बमोजिम कारवाही गरिने चेतावनी दिएको हो । 

प्रशासनले मौन अवधिमा पालना गर्नुपर्ने आचारसंहिता पूर्ण रुपमा पालना गर्न सम्बन्धित सबैमा अनुरोध गरेको छ । 
‘आचारसंहिताको उल्लङ्घन गरेमा तथा विनाकारण एक वडा वा टोलका मतदाता अर्को कुनै वडा वा टोलमा आवतजावत गरेमा कानून बमोजिम कारवाही गरिने व्यहोरा समेत सम्बन्धित सबैमा जानकारी गराइन्छ’, प्रशासनको सूचनामा भनिएको छ ।