१७ असार २०८३, बुधबार
प्रधानमन्त्री शेरबहादुर देउवाकै मतदान स्थल रहेको गन्यापधुरा वडा नम्बर १ मा नेपाली कांग्रेस पराजित भएको छ । देउवाको गाउँ रहेको वडा नम्बर १ मा नेपाली कांग्रेस बिपीका उम्मेदवार विजयी भएका छन् ।
विपी कांग्रेस बिपीबाट करुवा चुनाव चिन्ह लिएर उम्मेदवार भएका नरेश भण्डारीले वडा नम्बर १ को अध्यक्ष जितेका छन् ।
भण्डारीले ६७३ मत ल्याउँदा कांग्रेस उम्मेदवारले भने जम्मा ५४४ मत ल्याएको वडा नम्बर १ का काग्रेसका अध्यक्ष चेतराम भट्टले बताए ।
गन्यापधुराको अरु वडामा भने कांग्रेसकै उम्मेदवार विजयी भएको पनि उनले बताए ।
सो वडामा कांग्रेस विपीको प्यानल नै विजयी भएको छ ।
कांग्रेसबाट निष्कासित प्रदेश सभा सदस्य कर्ण मल्ल समूहले विपी कांग्रेसको करुवा चुनाव चिन्ह लिएर जिल्लामा कांग्रेससँगै प्रतिस्पर्धा गरिरहेको छ ।
