२१ असार २०८३, आइतबार
राष्ट्रिय स्वतन्त्र पार्टी (रास्वपा)ले अनुशासन आयोग प्रमुखको जिम्मेवारी पूर्वन्यायाधीश लेखनाथ पौडेललाई दिएको छ ।
महाधिवेशनबाट निर्वाचित केन्द्रीय समितिको बुधबार बसेको पहिलो बैठकले पौडेललाई आयोगको प्रमुख बनाउने निर्णय गरेको सहमहामन्त्री हरि ढकालले जानकारी दिए ।
उच्च अदालतका पूर्वान्यायाधीश पौडेल सैनिक विशेष अदालतका अध्यक्ष समेत भएका थिए ।
उनी कास्कीको अन्नपूर्ण गाउँपालिकाका स्थायी बासिन्दा हुन् ।
रास्वपाले निर्वाचन आयोग र लेखा आयोगमा भने पुरानै टिमलाई जिम्मा दिएको छ ।
बैठकले महाधिवेशन सम्पन्न गर्नका लागि खटिएका विभिन्न उपसमिति, सुरक्षा निकाय, पत्रकार लगायतलाई पनि धन्यवाद ज्ञापन गरेको सहमहामन्त्री ढकालले बताए ।
