दैलेखको ठाटीकाँध गाउँपालिकाको अध्यक्षमा नेपाली कांग्रेस विजयी भएको छ।

कांग्रेसका रक्षबहादुर शाह २ हजार ५७१ मतसहित अध्यक्ष निर्वाचित भएका हुन् ।

उनले एमालेकी लक्ष्मीदेवी शाहलाई २९२ मतान्तरले पराजित गरे। लक्ष्मीले २ हजार २७९ मत प्राप्त गरिन् ।

गाउँपालिका उपाध्यक्ष भने एमालेले जितेको छ।

उपाध्यक्षमा एमालेका देवीराम बडुवाल निर्वाचित भएका छन्। उनी २ हजार ६९५ मतसहित उपाध्यक्षमा विजयी भएका हुन्।

बडुवालले कांग्रेसकी भद्राकुमारी शाहीलाई २७९ मतले पराजित गरे। कांग्रेसकी शाहीले २ हजार ४१६ मत प्राप्त गरिन्।