१३ असार २०८३, शनिबार
न्युजील्यान्डकी प्रधानमन्त्री जासिन्दा आर्डर्नले प्रशान्त महासागरको सुरक्षा आवश्यकतामा योगदान गर्न आफूहरू तयार रहेको बताएकी छन् ।
चीनले प्रशान्त क्षेत्रका टापुराष्ट्रहरूसँग सुरक्षा सम्झौता गर्न लागेको समाचार आएपछि आर्डर्नको प्रतिक्रिया आएको हो ।
अमेरिका भ्रमणमा रहेकी आर्डर्नले प्रशान्त क्षेत्र आफ्नो सुरक्षा आवश्यकतालाई आन्तरिक रूपमा सम्बोधन गर्न सक्षम रहेको बताइन् । चीनले यसमा हस्तक्षेप गर्न नहुने उनको आशय हो ।
‘प्रशान्त हाम्रो घर हो । प्रशान्तलाई हामी आफ्नो परिवार मान्छौं र आवश्यकता परेको ठाउँमा हामी सम्बोधन गर्नेछौं,’ उनले भनिन् ।
अस्ट्ेलियाकी नयाँ परराष्ट्रमन्त्री पेन्नी वोङ बिहीवार फिजी गएकी छन् । प्रशान्त क्षेत्रका मुलुकहरूसँग अस्ट्रेलियाको सम्बन्ध गहिरो बनाउने उनको निश्चय यसबाट देखिन्छ ।
न्युजील्यान्डकी परराष्ट्रमन्त्री नानाइया माहुताले प्रशान्त क्षेत्रका मुलुकको भ्रमण गर्ने एजेन्डा छैन तर उनले भर्चुअल बैठक गरिसकेकी छन् । उनी सन् २०२२ को आरम्भतिर फिजी पनि गएकी थिइन् ।
