११ साउन २०८३, सोमबार
युक्रेनमा रुसविरुद्ध लड्न गएका विदेशी लडाकूहरूले त्यहाँ बिजोक अवस्था बेहोर्नुपरेको द वाशिङटन पोस्टका संवाददातालाई बताएका छन् ।
अहिले सुरक्षित रूपमा युक्रेनबाट निकालिएका ती लडाकूहरूका अनुसार, कमान्डरहरूले उनीहरूलाई जेभलिन एन्टी ट्यांक सिस्टम दिँदै युक्रेनी सैनिकलाई त्यो हतियार चलाउन सिकाउन लगाएका थिए । तर ती हतियार चलाउने ब्याट्री नै उपलब्ध थिएनन् ।
उनीहरूको संवाद रुसी सशस्त्र बलहरूले सुनेका थिए । ह्वाट्सयाप मेसेन्जरहरूमा गरिएको संवाद ह्याक भएकाले रुसीहरूले विदेशी लडाकूको पोजिसन पत्ता लगाएर आर्टिलरी प्रहार गर्ने गरेका थिए ।
विदेशी लडाकूहरूले रुसी सेना कहाँ छन् र कहाँ तैनाथ छन् भन्ने थाहा पाएनन् । उनीहरूलाई लडाइँमा आवश्यक सैन्य उपकरण, हतियार र पर्याप्त गोलीगट्ठा उपलब्ध गराइएन ।
निराश भएका २० जना लडाकूहरूमध्ये आठजना आफ्नो पोस्ट छोडेर भागे । एकजनाले आफ्नो मशिनगन भाँचे अनि अर्काले चोट लागेको नाटक गरे ।
युक्रेनी भूमिमा भएको लडाइँका विषयमा राखिएको अपेक्षा तथा त्यहाँको वास्तविक स्थितिका बीचमा रहेको भिन्नताले विदेशी लडाकूहरूलाई निराश बनाएको छ ।
