०१ साउन २०८३, शुक्रबार
पहिलोपटक फ्रेन्च ओपन खेलिरहेकी १९ वर्षीया चिनियाँ खेलाडी चङ छिनवन चौथो चरणबाट बाहिरिएकी छन् ।
विश्व नम्बर १ खेलाडी इगा स्वानटेकले चङलाई ६–७ ६–० ६–२ को सेटमा हराएकी हुन् ।
आफू रजस्वला भएकाले पीडाका कारण राम्रोसँग खेल्न नपाएकाले हारेको चङ बताउँछिन् । उनले भनिन्, ‘म केटा भइदिएको भए रजस्वला हुनुपर्दैनथियो ।’
पहिलो सेटमा स्वानटेकलाई कडा चुनौती दिँदै जितेको भए पनि चङ त्यसपछिका दुई सेटमा कमजोर साबित भइन् ।
म्याचको बीचमा उनलाई उपचार समेत आवश्यक परेको थियो ।
रजस्वलाको पहिलो दिन भएकाले खेल्न कठिनाइ आएको उनले बताइन् । पेट दुखेर असह्य भएकाले खेल्न गाह्रो परेको उनको भनाइ छ । ‘म प्रकृतिविरुद्ध जान सक्दिनथिएँ । पुरुष भएको भए यो समस्या आउने थिएन,’ उनले बताइन् ।
स्वानटेकले खेल जितेपछि चङको प्रशंसा गरिन् ।
