स्थानीय तह चुनावमा नेपाली कांग्रेसले गठबन्धन नगरिकनै २०१ पालिका प्रमुख/अध्यक्ष जितेको छ ।

नेपाली कांग्रेसका केन्द्रीय सदस्य तथा स्थानीय चुनाव अनुगमन, मूल्यांकन तथा सुपरीवेक्षण उपसमितिका संयोजक प्रदीप पौडेलले बुझाएको प्रतिवेदनअनुसार कांग्रेसले ४२३ पालिकामा एकल उम्मेदवारी दिएकोमा २०१ पालिका जितेको हो ।

कांग्रेसले २०९ पालिकामा गठबन्धन गरेर उम्मेदवारी दिँदा १२८ पालिकामा मात्रै जितेको प्रतिवेदनमा उल्लेख छ ।

कांग्रेसले देशैभर ६३२ पालिकामा उम्मेदवारी दिएकोमा ३२९ पालिकामा प्रमुख/अध्यक्ष जितेको छ ।

कांग्रेसले उम्मेदवारी दिएकोमध्ये ५२.०५ प्रतिशत पालिका जितेको छ भने समग्रमा ४३.७ पालिका जितेको छ ।

कांग्रेसले गठबन्धन नगरी ४१६ कार्यकारी पद जितेको छ भने गठबन्धन गरेर २१३ कार्यकारी पद जितेको प्रतिवेदनमा उल्लेख छ ।