२१ जेठ २०८३, बिहीबार
उत्तर कोरियाले कुनै पनि समयमा आणविक हतियार परीक्षण गर्न सक्ने दक्षिण कोरियाली समाचार संस्था योन्हापले खबर दिएको छ ।
स्रोतको हवाला दिँदै दिइएको खबरअनुसार, उत्तरका सर्वोच्च नेता किम जोङ–उनले निर्णय लिनेबित्तिकै आणविक परीक्षण गरिनेछ ।
दक्षिण कोरिया र अमेरिकाले यसको प्रतिकार गर्नका लागि विभिन्न उपायहरूमा छलफल गरिरहेको योन्हापको समाचारमा उल्लेख छ । संयुक्त राष्ट्रसंघको सुरक्षा परिषद्को संरचनाभित्र रही उत्तरविरुद्ध कारवाही गर्ने विषयमा पनि छलफल भइरहेको छ ।
उत्तर कोरियाले अहिलेसम्म ६ वटा आणविक परीक्षण गरिसकेको छ । अन्तिमपटक उसले सेप्टेम्बर २०१७ मा त्यस्तो परीक्षण गरेको थियो ।
