११ साउन २०८३, सोमबार
नेपाल पर्यटन बोर्डको प्रमुख कार्यकारी अधिकृत (सीईओ) डा. धनञ्जय रेग्मीलाई हटाउन बोलाइएको बोर्ड बैठकमा गणपूरक संख्या (कोरम) नै पुगेन ।
पर्यटन सचिव तथा बोर्ड अध्यक्ष महेश्वर न्यौपानेले आइतवार पर्यटन मन्त्रालयमै बोलाएको बोर्ड बैठकमा गणपूरक संख्या नपुगेपछि बैठक नै नभएको पर्यटन बोर्डका एक सदस्यले बताए ।
बोर्डको बैठकमा बहुमत नपुगे पनि घरघर लगेर हस्ताक्षर गराउन केही सदस्य लागिपरेको जानकारी आफूले पाएको सीईओ रेग्मीले बताए ।
रेग्मी आइतवारको बैठकमा भने उपस्थित भएनन् । बोर्ड बैठकमा सरकारी प्रतिनिधि र प्रेम आलेले नियुक्त गरेका सदस्य मात्रै उपस्थित थिए ।
पर्यटन बोर्डका एक वरिष्ठ अधिकारीका अनुसार सीईओ बर्खास्तको प्रस्तावसहित बोर्ड बैठक बसेको छ । बहुमत पुगेको अवस्थामा सीईओ हट्ने ती अधिकारीको भनाइ छ ।
बोर्डमा ११ सदस्य हुने भए पनि २ सदस्य पद खाली छ । जसकारण बहुमतका लागि ५ जना सदस्यको हस्ताक्षर आवश्यक पर्छ ।
