अभिनेत्री नीता ढुङ्गाना तीन दिनपछि अर्थात असार २४ गते शुक्रवार वैवाहिक सम्बन्धमा बाँधिदैछिन् ।

युवा ज्योतिष एवम् अभिनेता हरिहर अधिकारीसँग विवाह गर्न लागेकी नीतालाई सोमवार उनका निकट साथीहरूले ब्याचलर पार्टी दिएका छन् । 

ब्याचलर पार्टीका केही तस्वीरहरू नीताले सामाजिक सञ्जाल फेसबुकमा शेयर गरेकी छन् । जहाँ नीता लगायतका साथीहरू मस्ती मुडमा देखिएका छन् । 

तस्वीरमा नीता निकै प्रफुल्लित देखिएकी छिन् ।

उनले आफ्नो ब्याचलर पार्टि विशेष बनाएकोमा साथीहरूलाई धन्यवाद समेत दिएकी छन् । 

त्यस्तै, उनका दिदीहरूले समेत नीतालाई ब्याचलर पार्टि दिएका छन् । 

उक्त पार्टीमा पनि नीता उत्तिकै प्रफुल्लित देखिन्छिन् । 

दरबारमार्गस्थित होटल याक एण्ड यतिमा नीता र हरिहरको विवाह हुँदैछ । 

उनीहरूले विवाहअघि चलचित्र ह्रस्व दीर्घको शुभसाइत समेत गरेका छन् ।