१२ असार २०८३, शुक्रबार
कपिलवस्तुको सुरही खोलामा डुबेर मंगलवार १ बालकको मृत्यु भएको छ ।
शिवराज नगरपालिका–२ का ८ वर्षीय सुचान रोकाको पौडी खेल्ने क्रममा डुबेर मृत्यु भएको हो ।
वडा प्रहरी कार्यालय चन्द्रौटाका प्रहरी निरीक्षक कपिलजंग शाहीका अनुसार बहिनी र साथीसँगै घरबाट निस्केका रोका पौडी खेल्ने क्रममा डुबेको जानकारी दिए ।
रोकाकी बहिनीले स्थानीयलाई घटनाबारे जानकारी गराएकी थिइन् ।
रोकाको शव परीक्षणका लागि अस्पतालमा राखिएको छ । यसअघि पनि सोही स्थानमा पौडी खेल्ने क्रममा डुबेर ३ युवाको मृत्यु भएको थियो ।
