३० जेठ २०८३, शनिबार
एस इन्स्टिच्युट अफ म्यानेजमेन्टका स्नातकका विद्यार्थीद्वारा आयोजित गरिने ‘एस वार्षिक नाटक’ शनिवार प्रदर्शन गरिने भएको छ ।
बिहीवार काठमाण्डौंमा एक पत्रकार सम्मेलन गर्दै यसपालिको नाटकको नाम ‘एक सिक्का’ राखेको आयोजकले जानकारी दिएको छ ।
जसको नाट्य, आलेख र निर्देशन प्रदिप कुमार चौधरी र सह–निर्देशन भरत लिम्बुले गरेका छन् ।
सो नाटक दिउसो १ बजे र बेलुका ५ बजे प्रज्ञा प्रतिष्ठानमा प्रदर्शन गरिने इन्स्टिच्युटले जनाएको छ ।
एस इन्स्टिच्युट अफ म्यानेजमेन्टका एशोसिएट डाइरेक्टर रजत बज्राचार्य, निर्देशक प्रदिप कुमार चौधरी, नाटककार सिद्धार्थ घिमिरे, नाटककार अमिता खड्का र नविस कठायतले नाटकका बारेमा जानकारी गराएका थिए ।
एस वार्षिक नाटक’ २०६८ सालदेखि शुरू भएको हो । विगत १० वर्षदेखि विद्यार्थीहरुले हरेक बर्ष नाटक गर्दै आएका छन् ।
