२४ जेठ २०८३, आइतबार
पूर्व प्रधानमन्त्री डा. बाबुराम भट्टराईको गृहजिल्ला गोरखामा जनता समाजवादी पार्टी (जसपा) नेपाल जिल्ला कार्यसमितिले पार्टी पुनर्गठन गर्ने निर्णय गरेको छ ।
जिल्ला भेला आयोजक समिति संयोजक यानप्रसाद भट्टले मंगलवार प्रेस विज्ञप्ति जारी गर्दै पार्टी पुनर्गठन गर्ने निर्णय भएको जानकारी दिए ।
पार्टी पुनर्गठनका लागि भट्टको संयोजकत्वमा ९१ सदस्यीय भेला आयोजक समिति गठन गरिएको छ ।
बैठकले जिल्ला मातहतका सबै निकाय, समितिहरू स्वतः भेला आयोजक समिति वा निकायमा रुपान्तरण भएको निर्णय गरेको छ ।
पार्टीमा विवाद भएपछि डा. भट्टराईले पार्टी पुनर्गठन अभियान सञ्चालन गरेका छन् ।
