३० असार २०८३, मंगलबार
मौद्रिक नीतिपछि लगानीकर्ता उत्साहित देखिएका छन् । मौद्रिक नीतिपछिको पहिलो दिन ६१ अंकले बढेको शेयर बजार सोमवार पनि ५४.४५ अंकले बढेको छ । सोमवार शेयर बजार २.६२ अंकले बढेर नेप्से परिसूचक २१३२.९६ विन्दुमा पुगेको छ ।
राष्ट्र बैंकले शुक्रवार चालू आवको लागि जारी गरेको मौद्रिक नीतिमा शेयर कर्जाको न्यूनतम सीमा ४ करोडलाई बढाएर १२ करोड पु¥याएपछि अघिल्लो वर्षको नीतिमा करेक्सन भएको भन्दै लगानीकर्ता उत्साहित हुन थालेको देखिएको छ ।
लगानीकर्ता उत्साहित भएर कारोबार बढाउन थाल्दा दुई दिनदेखि शेयर बजारले उकालो यात्रा तय गरिरहेको छ । सोमबार बजार बढेसँगै कारोबार रकम पनि ४ अर्ब नाघेको छ । लामो समयपछि कारोबार रकम बढेर ४ अर्ब १० करोड रुपैयाँ पुगेको छ ।
सोमवार नेप्सेमा सूचीकृत कम्पनीहरूमध्ये २१४ वटाको ९९ लाख कित्ता शेयरको ६४ हजार पटक कारोबार भएको छ । आइतवार जस्तै सोमवार पनि कारोबार रकम धेरै गर्नेमा शिवम् सिमेन्ट रहेको छ । यसको सोमवार १८४० पटक भएको कारोबारबाट १५ करोड रुपैयाँको शेयर खरिद बिक्री भएको छ ।
सोमवार एकैदिन ७ वटा कम्पनीको शेयरमा सकारात्मक सर्किट लागेको छ । सोमवार नारायणी डेभलपमेन्ट बैंक, मल्टिपर्पोज फाइनान्स, ग्रीन डेभलपमेन्ट बैंक, युनाइटेड मोदी हाइड्रोपावर, मानुसी लघुवित्त र बलेफी हाइड्रोपावरको शेयर मूल्यमा १० प्रतिशतको सकारात्मक सर्किट लागेको छ ।
बजार बढेको दिन पनि ऋणपत्रसहितका विभिन्न १२ कम्पनीको शेयर मूल्य भने घटेको छ । सोमवार सबैभन्दा बढी गुमाउनेमा मञ्जुश्री फाइनान्सको ऋणपत्र ५.८७ प्रतिशतले घटेको छ ।
