३० असार २०८३, मंगलबार
मंगलवार बिहान प्रदेश १, बागमती र लुम्बिनी प्रदेशका केही तथा बाँकी प्रदेशका थोरै स्थानमा हल्कादेखि मध्यम वर्षा भइरहेको जल तथा मौसम विभागले जनाएको छ।
विभागले मंगलवार बिहान एक बुलेटिन जारी गर्दै वर्षाबारे जानकारी गराएको हो ।
विभागले अहिले देशभर आंशिकदेखि सामान्य बदली रहेको उल्लेख गरेको छ ।
हाल मनसुनको न्यून चापीय रेखा पश्चिममा सरदर स्थान भन्दा केही दक्षिण तिर अवस्थित रहेको र पूर्वमा सरदर स्थानको आसपासमा रहेको समेत विभागले जनाएको छ ।
मंगलवार रातिसम्म नै देशभर आंशिक देखि सामान्य बदली रहने विभागले जनाएको छ।
मंगलवार दिउँसो प्रदेश १ का एक वा दुई स्थानमा भारी वर्षाको पनि सम्भावना रहेको विभागले जनाएको छ ।
मंगलवार राति प्रदेश १, लुम्बिनी र सुदूरपश्चिम प्रदेशका एक वा दुई स्थानमा भारी वर्षाको पनि सम्भावना रहेको विभागले पूर्वानुमान गरेको छ।
