३० असार २०८३, मंगलबार
काठमाडौंस्थित त्रिभुवन अन्तर्राष्ट्रिय विमानस्थलबाट भारतको मुम्बई प्रस्थान गर्न लागेको विमानबाट १ जना पक्राउ परेका छन् ।
मुम्बईका लागि उडान भर्न लागेको नेपाल एयरलाइन्सको विमानमा शंकास्पद व्यक्ति चढेको विशेष सूचना पाएपछि नेपाल प्रहरी विशेष ब्यूरोको टोलीले विमान केहीबेर होल्ड गराएर एक जनालाई नियन्त्रणमा लिएको हो ।
पक्राउ परेका व्यक्तिको सम्बन्धमा प्रहरीले थप विवरण खुलाएको छैन । प्रारम्भिक अनुसन्धान भइरहेको प्रहरीले जनाएको छ ।
