०५ साउन २०८३, मंगलबार
नेपाल उद्योग परिसंघले रोजगार तथा सीप मेला आयोजना गर्ने भएको छ ।
मेला आगामी कात्तिक १७ देखि ३० गतेसम्म आयोजना गर्ने परिसंघले मंगलवार पत्रकार सम्मेलन गरी जनाएको छ ।
मेला काठमाडौंको भृकुटीमण्डपमा सम्पन्न हुनेछ ।
तीन दिनसम्म हुने मेलामा २ सयभन्दा बढी कम्पनीहरूको सहभागिता रहने परिसंघले जनाएको छ ।
कर्र्पोेरेट हाउस, नवप्रवर्तन, शैक्षिक संस्थाका विद्यार्थीहरु, सेवा तथा उत्पादनमुलक उद्योगहरु, निजी, सार्वजनिक तथा सरकारी अधिकारीहरुसमेत गरी ५० हजार भन्दा बढी व्यक्तिहरुले मेला अवलोकन गर्ने परिसंघले जनाएको छ ।
मेलाबारे जानकारी दिँदै परिसंघका उपाध्यक्ष कृष्णकुमार अधिकारी र राजेशकुमार अग्रवालले नेपालको औद्योगिक क्षेत्र र रोजगारदाताबीचको सम्बन्ध स्थापित गराउनका लागि मेला आयोजना गरिएको जानकारी दिए ।
उनीहरूले परिसंघले जनशक्ति र रोजगारदाताबीचको पुल बन्न खोजेको समेत बताए ।
परिसंघको शिक्षा परिषद् र रोजगारदाता परिषद्को संयोजनमा मेला आयोजना हुन लागेको हो ।
सिएनआई रोजगार तथा सीप मेला २०७९ ले विभिन्न कम्पनी तथा कामको खोजिमा रहेकाहरुलाई एकै ठाउँमा आवद्ध गर्न पुलको काम गर्ने परिसंघले जनाएको छ ।
यस्तै रोजगारदाताको आवश्यकता, सीपयुक्त कर्मचारीको मागको परिपूर्ती कसरी गर्न सकिन्छ भन्ने विषयमा वृहद छलफल पनि हुने परिसंघले जनाएको छ
मेलाले बजारमा सीपको उपलब्धता र सीपको आवश्यकता बीचको अन्तर बुझ्दै सम्भावित कर्मचारी र रोजगारदाताबीचको खाडल कम गर्ने अपेक्षा लिइएको परिसंघले जनाएको छ ।
