×

X
Nic Asia
Marvel

अन्तर्संघर्ष

एकीकृत समाजवादीमा असन्तुष्टिका स्वर, नेतृत्वमाथि प्रश्नै–प्रश्न !

काठमाडाैं | साउन २६, २०७९

NTC
Premier Steels
British college
TVS INSIDE

नेकपा एमालेबाट विद्रोह गरेर नयाँ दल बनेको १ वर्ष पनि नबित्दै नेकपा एकीकृत समाजवादीभित्र गुट उपगुटको छिनाझप्टी उत्कर्षमा पुगेको छ । 

DHARA
LAxmi BAnk

एमालेभन्दा ठूलो दल हुने भनेर गत वर्षको भदौ ९ गते निर्वाचन आयोगबाट एकीकृत समाजवादीले दल दर्ताको प्रमाणपत्र लिएको थियो । यस अवधिमा पार्टीको देशव्यापी संगठन विस्तार भएको दाबी नेताहरूले गर्ने गरेका छन् तर पार्टीको आन्तरिक व्यवस्थापन कमजोर हुँदा नेताहरूबीच अविश्वास बढेको छ, कार्यकर्तामा हौसला हराएको छ, जनसंगठनमा उत्साह छैन । 


Advertisment
NMB BANK
RMC TANSEN
NIC ISLAND BOX

नेकपा एकीकृत समाजवादीका अध्यक्ष स्वयं माधवकुमार नेपालले नै पार्टीभित्र पद र पैसाको लागि स्वार्थ हाबी भएको टिप्पणी गर्न थालेका छन् । बिहीवार एकीकृत समाजवादीको कार्यालयमा आयोजित एक कार्यक्रममा नेपालले भने, ‘मबाट शुरू गर्ने प्रवृत्ति व्याप्त छ । मैले पाइनँ भने जस्तोसुकै कुकर्म गर्न पनि तयार हुने प्रवृत्तिलाई अन्त्य गरेरै छाड्नुपर्छ । सिद्धान्त र आदर्शप्रति समर्पित हुने भावना राख्नुपर्छ र ‘म’भन्दा भिन्न सोच राख्ने कुरामा अघि बढ्नुपर्छ ।’

नेपाल र भुसालमाथि प्रश्न


Advertisment
Bizbazar
Saurya island

पार्टीका दोस्रो पुस्ताका नेताहरू भने माधव नेपाल र महासचिव डा. बेदुराम भुसालको कार्यशैली र नेतृत्व क्षमतामाथि नै प्रश्न उठाउन थालेका छन् । उनीहरूले अहिलेकैजस्तो कार्यशैली अपनाइरहने हो भने एकीकृत समाजवादी पार्टी नबन्ने निष्कर्ष दोस्रो पुस्ताका नेताहरू सुनाउँछन् । 

‘धेरै कुरा त महासचिव बेदुराम भुसालको सोच र कार्यशैलीका कारण बिग्रिएको छ । त्यसबाहेक अध्यक्ष माधव नेपालको नेतृत्व क्षमतामा पनि प्रश्न उठाउने प्रशस्त ठाउँहरू छन् । नेतृत्वले नै गुट बनाउन थालेपछि संगठन कसरी बलियो हुन्छ ?’ एकीकृत समाजवादीमा दोस्रो पुस्ताका एक नेताले प्रश्न गरे । 

Vianet communication
IME BANK INNEWS

पछिल्लो समय एकीकृत समाजवादीमा अध्यक्ष माधव नेपालमाथि महासचिव भुसाल, उपमहासचिव गंगालाल तुलाधर, जगन्नाथ खतिवडा र प्रकाश ज्वाला हाबी छन् । माधव नेपालले पनि उनीहरूकै कुरा सुनेर निर्णय लिने गरेका छन् तर अध्यक्षमाथि हाबी भएका नेताहरूले पार्टी निर्माणमा अरू नेताहरूको भूमिका, योगदान र क्षमता अवमूल्यन गरेको उनीहरूसँग असन्तुष्ट नेताहरू बताउँछन् ।

नेतृत्वको कमजोरी र लाचारीका कारण जनसंगठनका बैठकहरू १ वर्षदेखि बस्न नसकेको नेताहरू बताउँछन् । एकीकृत समाजवादी निकट अनेरास्ववियूभित्र पनि असन्तुष्टि चुलिन थालेको छ । निजामती कर्मचारी संगठनको अध्यक्ष भइसकेका र पछिल्लो समय एकीकृत समाजवादी निकट कर्मचारी संगठनमा रहेका भोला पोखरेल एमाले फर्किएका छन् । 

नेकपा एसनिकट कर्मचारी संगठनमा पार्टी अध्यक्ष माधव नेपालको नाता पर्ने र कर्मचारी प्रशासनभित्र जुनियर तहमा कार्यरत व्यक्तिलाई महासचिव बनाएको असन्तुष्टिमा पोखरेल एमालेमा फर्किएका कर्मचारी संगठन निकट एक कर्मचारीले बताए । 

‘कनिष्ट पदमा कार्यरत व्यक्तिलाई संगठनको महासचिव बनाइएको छ । उपसचिवसम्मका व्यक्ति ट्रेड युनियनमा रहन पाउने व्यवस्था छ । जुनियर पदको कर्मचारीलाई नेतासँगको पहुँचको आधारमा पद दिएपछि धेरैमा असन्तुष्टि छ,’ ती कर्मचारीले भने । 

त्यति मात्रै होइन, अध्यक्ष नेपालले रूचाएका नेतालाई महासचिव भुसालले पेल्नेसम्मको अवस्था रहेको पार्टीका एक नेता बताउँछन् । ‘सबैमा त्यस्तो होइन, व्यक्ति विशेषमा यस्तो अवस्था छ,’ एक नेता भन्छन्, ‘भर्खरै मन्त्रीबाट फिर्ता भएका प्रेम आले र अध्यक्ष नेपालको सम्बन्ध सुमधुर छ तर महासचिव भने उनलाई पार्टीमा राख्नै चाहँदैनन् ।’

प्रेम आले मन्त्री रहँदा विभिन्न फण्डामा मुछिँदा समेत माधव नेपालले बचाउ गर्ने गरेका थिए । त्यसबेला नेपाल र आलेबीचको सम्बन्ध चित्रित गर्दै एक नेता भन्छन्, ‘त्यसबेला त अध्यक्ष र आलेबीच भर्खरै लभ परेको युवायुवतीको जस्तो सम्बन्ध थियो । मन्त्रीबाट फिर्ता बोलाएपछि उनीहरूबीच केही असमझदारी भए पनि त्यो क्षणिक मात्रै हो ।’ अध्यक्ष नेपाल र आलेको सम्बन्धले अरू नेताहरू बिच्किएका थिए । 

मन्त्रीबाट फिर्ता बोलाउने क्रममा पार्टीले आफूहरूलाई तल्लोस्तरको व्यवहार गरेको गुनासो ती नेताहरूले गर्ने गरेका छन् ।

मन्त्रीबाट फिर्ता बोलाइएकामध्ये एक नेताले भने, ‘मन्त्री हुँदा नै हाम्रो राजीनामा स्वीकृत गरेर अध्यक्षले राख्नुभएको थियो तर मन्त्रीबाट फिर्ता बोलाउँदा हामीले मिडियाबाट जानकारी पाउनुपर्ने अवस्था बन्यो । त्यसमा हाम्रो असन्तुष्टि थियो । चुनावको बेलामा हामीलाई अयोग्य जस्तो व्यवहार नहोस्, पहिल्यै जानकारी होस् भनेका थियौं । त्यसमा नेतृत्वले विचार पुर्‍याइएन भन्ने हाम्रो गुनासो हो ।’

अध्यक्ष नेपालले गत वर्षको असोज २२ गते नै जुनसुकै बेला मन्त्रीबाट फिर्ता बोलाउनसक्ने कागजमा मन्त्रीहरूलाई हस्ताक्षर गराएका थिए । कागजमा लेखिएको थियो, ‘मन्त्रीको आचरण र पार्टीको नीतिविरुद्ध हुने जुनसुकै काममा संलग्न भएको अवस्थामा यसै पत्रलाई राजीनामा पत्र मानेर मन्त्रीबाट फिर्ता गरिने छ ।’

मन्त्रीबाट फिर्ता भएपछि पनि जिम्मेवारी नपाएको भन्दै उनीहरूले असन्तुष्टि व्यक्त गर्ने गरेका छन् । मन्त्रीबाट फिर्ता भएपछि नेत्री रामकुमारी झाँक्री र अध्यक्ष नेपालबीचको अन्तरविरोध सार्वजनिक मञ्चहरूमा समेत पोखिने गरेका छन् ।

तर पछिल्लो समय भने रामकुमारीको असन्तुष्टि सम्बोधनको प्रयास माधव नेपालले गरेका छन् । गत मंगलवार अध्यक्ष नेपाल र रामकुमारीले पार्टी केन्द्रीय कार्यालयमा ४ घण्टाभन्दा बढी संवाद गरेर मन माझ्ने प्रयास गरेका छन् । 

अध्यक्ष नेपालले रामकुमारीसँग एक्लै भेट्न नचाहेपछि अर्का नेता विरोध खतिवडासहित उनीहरूका बीच संवाद भएको एक नेताले जानकारी दिए । ‘पार्टी कार्यालयमा अध्यक्षसँग उनीहरूको ४ घण्टाभन्दा बढी छलफल भयो तर उनीहरूका बीचका के–के कुरा भयो जानकारी भइसकेको छैन,’ ती नेताले भने । 

माधव नेपालले रौतहटमा सभाहल बनाउने भनेर शिलान्यास गरेपछि रामकुमारीले सभाहल बनाउनका लागि कुनै बजेट र स्वीकृत कार्यक्रम नै नभएको सार्वजनिक अभिव्यक्ति दिएकी थिइन् । उनले अहिलेका नेतृत्वले विश्राम लिनुपर्ने समेत बताएकी थिइन् । 

नेपालले भने सभाहलका लागि बजेट नै नभएको ठाउँमा ‘बोर्डर टाउन’ योजनाको पैसाबाट बन्ने गरी सभाहलको शिलान्यास गरेका थिए । रौतहटबाट चुनाव लड्ने तयारी गरिरहेका नेपालले अहिलेका शहरी विकास मन्त्री मेटमणि चौधरीलाई बजेट सार्न लगाएर सभाहलको शिलान्यास गरेका थिए । 

पछिल्लो समय नेत्री रामकुमारी र मन्त्री चौधरीका बीचमा पनि मनमुटाव बढेको छ । पार्टीले चौधरीलाई शहरी विकास मन्त्री बनाउने निर्णय गरेपछि चौधरीको सचिवालयले रामकुमारीविरुद्ध प्रचार गरेको भन्दै उनले पार्टीमा असन्तुष्टि राखेको एक नेताले बताए ।

रामकुमारीको पालामा भएका कतिपय निर्णय अहिले चौधरीले उल्ट्याइरहेका छन् । त्यसमा पनि रामकुमारीले आपत्ति व्यक्त गर्दै आएकी छिन् । उनीहरू निकट एक नेताले दिएको जानकारी अनुसार पछिल्लो समयमा रामकुमारी झाँक्री र मेटमणि चौधरीका बीचमा टेलिफोनमै बाझाबाझको स्थिति बनेको थियो । 

एकीकृत समाजवादीको नेतृत्वप्रति असन्तुष्ट एक नेता भन्छन्, ‘फेस भ्यालु नभएका आउट डेटेड नेताहरूबाट एमालेलाई टक्कर दिने पार्टी बन्दैन । सचिवालयमा राजनीतिबाटै विश्राम लिनुपर्ने व्यक्तिहरू छन् । पछिल्लो समयमा सबैजसो निर्णय सचिवालयबाटै हुने गरेको छ ।’

एकीकृत समाजवादीमा माधव नेपालको खेमामा रहेका कतिपय नेताहरू उनै माधव नेपालसँग असन्तुष्टि लिएर बसेका छन् । अध्यक्ष नेपालले कुरा नसुनिदिएका कारण कतिपय नेताहरू झलनाथ खनालको क्याम्पमा गएको उनीहरू बताउँछन् । ‘अध्यक्षले आफ्नै टीमका मान्छेलाई प्राथमिकतामा राख्नुभएको छैन । आफन्त र नातागोताका मान्छेलाई मात्रै प्राथमिकता दिनुभएको छ । त्यही कारण कतिपय नेता कार्यकर्ताले नेपाल क्याम्प छाडेर झलनाथ खनालतिर लागेका छन्,’ तीन नेताले भने । 

नेपाल–प्रचण्ड सम्बन्धमा शंका

एमालेबाट विभाजन भएर नयाँ पार्टी बन्ने बेला एकीकृत समाजवादीका एक नेताले सुझाएका थिए, ‘माधव नेपाल सेन्टर टू राइट हुन् । झलनाथ खनाल सेन्टर टू लेफ्ट हुन् । झलनाथले पनि माधव नेपाललाई कभिन्स गरेर पार्टी माओवादीमा मिलाउँछन् कि भन्ने डर छ ।’ 

तर अहिले अवस्था ठ्याक्कै उल्टिएको छ । माधव नेपाल र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को सम्बन्धबारे पार्टीभित्रै प्रश्न उठ्ने गरेको छ । ‘उनीहरूको सम्बन्ध राजनीतिक होइन, व्यक्तिगत सम्बन्ध छ । अहिले माधव नेपालले चाहिँ पार्टी माओवादीमा मिलाउँछन् कि भन्ने डर बढ्यो,’ ती नेताले भने, ‘अहिले प्रचण्ड र झलनाथको सम्बन्ध त्यति गहिरो छैन, जति माधव नेपाल र प्रचण्डको छ ।’

एकीकृत समाजवादीले मन्त्री फिर्ता बोलाएपछि निर्णय कार्यान्वयन हुन करीब १ महिना लागेको थियो । त्यसबेला, नयाँ मन्त्रीको शपथको व्यवस्था मिलाइदिन माधव नेपालले प्रचण्डलाई आग्रह गरेकोबारे पनि पार्टीमा नेताहरूले प्रश्न उठाएका थिए । आफ्नो पार्टीको निर्णय कार्यान्वयन गर्न अर्को पार्टीका अध्यक्षको सहयोग माग्नु जायज नभएको उनीहरूको तर्क छ ।

अर्कोतर्फ आगामी चुनावमा एमालेसँग सहकार्य गर्नुपर्ने ‘लाइन’ लिएपछि एकीकृत समाजवादीभित्र नेपाल–भुसाल र खनालको कित्ता छुट्टिएको छ । आफ्नो सिट सुरक्षित गर्नका लागि खनालले एमालेतिर आँखा लगाएको भन्दै नेपाल–भुसाल खेमाले खनाल पक्षको आलोचना गर्ने गरेको छ ।

Maruti inside
TATA Below
NLIC
ncc inside
असोज ४, २०७९

अघिल्लो साता एसिया र युरोपको बीचमा रहेको ककेसस क्षेत्रका दुई मुलुकहरूबीच चलेको युद्धमा लगभग ३०० जनाको ज्यान गएको बताइएको छ । कुनै बेलामा सोभियत संघअन्तर्गत रहेका आर्मेनिया र अजरबैजानबीच छोटो अवधिको लडाइ...

असोज ५, २०७९

संघीय संसद्का दुवै सदनबाट पारित भई शीतलनिवास पुगेको नागरिकता विधेयक राष्ट्रपतिले प्रमाणीकरण नगरेपछि मुलुकमा अर्को संवैधानिक संकट शुरू भएको छ । प्रतिनिधिसभाका सभामुखले प्रमाणित गरी पठाएको विधेयक मंगलवार...

भदौ ३१, २०७९

विगत १० दिनदेखि युक्रेनको पूर्वी भागमा रहेको खार्किभ क्षेत्रमा युक्रेनी सेनाले गरेको प्रत्याक्रमण कारवाहीले केही भूभाग फिर्ता लिनुबाहेक खासै उल्लेख्य सफलता हासिल गरेको छैन ।  युक्रेनकी उपरक्षामन्त्री हान्ना...

असोज ७, २०७९

लोकतान्त्रिक समाजवादी पार्टी (लोसपा) नेपाल र नेकपा एमालेबीच गठबन्धनका लागि दुई साताअघि प्रयास भएपनि त्यसमा खासै प्रगति हुन सकेको छैन । गठबन्धनका लागि एमाले अध्यक्ष केपी शर्मा ओली र लोसपा अध्यक्ष महन्थ ठाकुरबी...

असोज ७, २०७९

केही विश्लेषकहरूले युक्रेनका विषयमा बेइजिङले मस्कोसँग सम्बन्ध तोड्न खोजेको दाबी गरिरहेका छन् ।  गत जुन महिनामा चीन सरकारले रुससँगको उत्तरपूर्वी सीमामा सैन्य अभ्यास गरेको थियो । त्यतिखेर मस्को युक्रेनमा च...

असोज ६, २०७९

अमेरिकाका राष्ट्रपति जो बाइडनले पुनः एकपटक ताइवानमाथि चीनको आक्रमण भएमा अमेरिकाले ताइवानको प्रतिरक्षाका लागि अमेरिकी सैनिक पठाउने बयान दिएका छन् ।  सीबीएस टीभीसँगको अन्तर्वार्तामा आइतवार (१८ सेप्टेम्ब...

साख बचाउन चुकेकी राष्ट्रपति !

साख बचाउन चुकेकी राष्ट्रपति !

असोज ६, २०७९

नेपालमा फेरि एकपटक संविधानमाथि निर्मम हमला भएको छ । हुन त यो दुईपटक सम्म संसद् विघटन गर्न खोज्दा सफल नभएको घटनाको क्रमिक शृंखला नै हो । शान्ति प्रक्रिया अझै टुंगोमा पुर्‍याउन नसकेको नकारात्मक अवस्थालाई ...

अछाम पहिरोले पुरेका 'मूल्यहीन' आँसुहरू र  हामीले सिक्न नसकेको पाठ

अछाम पहिरोले पुरेका 'मूल्यहीन' आँसुहरू र हामीले सिक्न नसकेको पाठ

असोज ३, २०७९

संसारमा आँसुको मूल्य कति हुन्छ, यसको स्पष्ट जवाफ कसैसँग छैन । विश्व फूटबलका चम्किला तारा लियोनल मेस्सीको एक थोपा आँसुको मूल्य भने १० लाख डलर हो । शायद यो नै ठोस रूपमा आँसुको पहिलो महंगो मूल्य होला । आफ्नो...

घोषणाको ७ वर्षसम्म कार्यान्वयनकै चरणमा संविधान !

घोषणाको ७ वर्षसम्म कार्यान्वयनकै चरणमा संविधान !

असोज ३, २०७९

नेपालको संविधान २०७२ जारी भएपछि मुलुकले नयाँ बाटो समायो । वर्षौंदेखि संविधान सभामार्फत नयाँ संविधान निर्माणका लागि दबाब दिँदै आएका थुप्रै समुदायले स्वागत गरे । ७ वर्षअघि नेपाली जनताका प्रतिनिधिले आफैं मेह...

ad
x