खाजाघरमा नाबालिकालाई वेश्यावृत्तिमा लगाउने चिनीमाया लिम्बू ४ लाख धरौटीमा छुटेकी छन् । मानव बेचविखन ब्यूरोले साउन १ गते २ जना नाबालिकालाई वेश्यावृत्तिमा लगाएको आरोपमा उनलाई पक्राउ गरेको थियो । उनले टोखा नगरपालिका– ९ मा रहेको खाजा पसलमा ति नाबालिकाहरूलाई वेश्यावृत्तिमा लगाएको प्रहरीको दाबी छ । उनलाई जिल्ला अदालत काठमाडौंले साउन १६ गते ४ लाख धरौटीमा छाडेको ब्यूरोले जनाएको छ । 

चिनीमायाले खाजा पसलमा प्रतिव्यक्ति १ हजार रुपैयाँ लिएर धन्दा चलाएको प्रहरीको आरोप थियो । उनले ती नाबालिकालाई खाना मात्र दिएर जबरजस्ती वेश्यावृत्तिमा लगाएको र उनले बाहिर भनेमा ज्यान मार्ने धम्कीसमेत दिने गरेको प्रहरीले जनाएको थियो । उनलाई प्रहरीले मानव बेचविखन तथा ओसारपसार नियन्त्रण ऐन–२०६४ अनुसार कारवाहीको दाबी गर्दै अदालतमा मुद्दा दर्ता गरेको थियो ।