अर्थ सचिव कृष्णहरी पुष्करले नेपाल राष्ट्र बैंक सञ्चालक समिति सदस्य पदको शपथ लिएका छन् ।

सरकारले राजस्व सचिव रहेका पुष्करलाई १ हप्ताअघि नै अर्थ सचिवको समेत जिम्मेवारी दिएको थियो । उनलाई गत विहीवारको मन्त्रिपरिषद् बैठकले अर्थसचिवमा नियुक्त गरेपछि उनले सोमवार पद बहाली गरेका थिए ।

अर्थ सचिव नेपाल राष्ट्र बैैंक सञ्चालक समितिको पदेन सदस्य हुने व्यवस्था छ । सोही व्यवस्था अनुसार पुष्कर राष्ट्र बैंक सञ्चालक समितिको सदस्य भएकाले बुधवार कायममुकायम प्रधानन्यायाधीश दीपककुमार कार्कीसमक्ष उनले पद तथा गोपनीयताको शपथ लिएका हुन् ।