पूरा भएन प्रधानमन्त्रीको निर्देशन, काठमाडौंका सडकको अवस्था झन् बेहाल !

सम–सामयिक

पूरा भएन प्रधानमन्त्रीको निर्देशन, काठमाडौंका सडकको अवस्था झन् बेहाल !

कात्तिक २०, २०७४

रिता लम्साल

काठमाडौं १५ साउन– प्रधानमन्त्री शेरबहादुर देउवाले राजधानी काठमाडौं उपत्यकाका सडकका खाल्डा पुर्न दिएको १५ दिनको समयसीमा आइतवार सकिँदै छ । प्रधानमन्त्रीले दिएकोे समयसीमा सकिनै लाग्दा सडकका खाल्डाको समस्या भने उस्तै छ ।

प्रधामनन्त्रीले दिएको निर्देशनको समयसीमा सकिनै लाग्दा अहिलेसम्म वानेश्वर–पुरानोवानेश्वर, गौशाला–चावहिल, चुच्चेपाटी–बौद्ध, जोरपाटी–नारायण गोपालचोक, गोल्फुटार–सामाखुशी–बसपार्क, बालाजु–नारायण गोपालचोक, लाजिम्पाट–लैनचौर, सुन्धारा–त्रिपुरेश्वर–टेकुलगायत क्षेत्रमा मात्रै कार्य सकिएको छ ।

केशरमहल–लाजिम्पाट, चाबहिल–बौद्ध, महाराजगन्ज–बुढालिकण्ठ, तीनकुने–बानेश्वर, रातोपुल–गौशाला, गौरीघाट–गौशाला, चाबहिल–चुच्चेपाटी, चावहिल–गोपिकृष्ण, तिनकुने–कोटेश्वर, रत्नपार्क–सिनामंगल, हात्तिसार–गौशाला, रातोपुल–गौशाला, जयवागेश्वरी–कालोपुल, त्रिपुरेश्वर–कलंकी, लैनचौर–सोह्रखुट्टेलगातय सडकका खाल्डा पुर्न बाँकी रहेको सडक विभाग मध्यमाञ्चल क्षेत्रीय सडक निर्देशनालयका निर्देशक शिवहरि सापकोटाले जानकारी दिए ।

पुरीएका स्थानमा पनि खाल्डा पुर्दा रोलर प्रयोग नगरिएकाले ग्राभेल उप्किएर सवारी आवागमनमा झनै समस्या देखिएको छ । सडकका खाल्डा पुर्ने कार्यमा हेलचेक्र्याई गरिएको बौद्धका स्थानीय व्यपारी मधुसुदन बस्नेतले बताए ।

‘घाम लाग्दा सडक धुलाम्मे हुन्छ, पानी पर्दा हिलाम्मे हुन्छ, प्रधानमन्त्रीले खाल्डो पुर्न निर्देशन दिएको सुनेको थिए तर काम भएको छैन’ बस्नेतले लोकान्तरसँग भने ।

निर्देशक सापकोटाले भने सडकको खाल्टो पुर्ने कार्य तिब्र गतीमा भईरहेको दाबी गरे । ‘२१ वटा सडक खण्डमा नै खाल्टो पुर्ने कार्य भईरहेको छ । सडक विभागले गर्ने काम गरिरहेको छ तर अहिले खाल्डा पुर्ने काममा सबैभन्दा अवरोध ढल र खानेपानीका पाइप फुट्नु हो’ उनले लोकान्तरसंग भने ।

वर्षाका कारण पनि काम गर्न समस्या भएको उनको भनाइ छ । काठमाडौंमा स्कुले बालबालिकालाई ढलले बगाएपछि प्रधानमन्त्री देउवाले सरोकारवाला निकायलाई सडकका खाल्डा पुर्न १५ दिनको समय दिएका थिए ।
खाल्डा पुर्नको लागि आवस्यक सामाग्री र कामदारको अभाव भएको सापकोटाले बताए ।

प्रधानमन्त्रीको निर्देशनपछि खानेपानी तथा सरसफाइ मन्त्रालयका सचिव भीमप्रसाद उपाध्याय, भौतिक पूर्वाधार तथा यातायात मन्त्रालयका सचिव देवेन्द्र कार्की र संघीय मामिला तथा स्थानीय विकास मन्त्रालयका सचिव दिनेश थपलियाको नेतृत्वमा काम सुरु भएको थियो ।

खाल्डा पुरिएको ठाउमा कसमल सामग्रीको प्रयोग गरिएका कारण अबस्था उस्तै भएको स्थानीयले बताएका छन् । मेलम्ची खानेपानीको पाइप विच्छाउन खनिएको सडकमा गरिएको कालोपत्रे अधिकाशं स्थानमा उक्किएर सडकमा समस्या देखिएको सरोकारवाला निकायका अधिकारीहरु बताउँछन् । कतिपय स्थानमा असार मसान्तमा गरिएको कालोपत्रे उप्किसकेको छ ।

Advertisment

रिता लम्साल

लेखकबाट थप...

अघिल्लो समाचार

रातमा बढी पिसाब लाग्छ ? यस्तो हुन सक्छ !

मंसिर १, २०७७

अर्को समाचार

कोठामा थिइन् हिरोइन, रक्सीको मातमा छिरे अभिनेता, त्यसपछि के भयो ?

कात्तिक २०, २०७४

कमेन्ट गर्नुहोस्

सम्बन्धित समाचार

सम–सामयिक

चोरी बढेपछि उद्योगी–व्यवसायीद्वारा सुरक्षा माग

साउन २४, २०७९

झापा उद्योग वाणिज्य संघले शान्ति सुरक्षा माग गर्दै भद्रपुर नगरपालिकामा ज्ञापनपत्र बुझाएको छ । नगर क्षेत्रमा चोरीको घटना बढेको भन्दै शान्ति सुरक्षाको माग गर्दै संघले मंगलवार नगरपालिकामा ज्ञापनपत्र बुझाएको हो ।&n...

आलेख

अत्यावश्यक ६ सुधार जसले न्यूनीकरण गर्नसक्छ सहकारीमा व्याप्त विकृति

साउन २३, २०७९

नेपालको आर्थिक विकासमा सार्वजनिक, निजी र सहकारी ३ खम्बे नीतिलाई अवलम्बन गरिएको छ । संविधानमा समाजवादको परिकल्पनासहित सार्वजनिक, निजी र सहकारी क्षेत्रको प्रवर्द्धन गरी तीब्र दीगो आर्थिक विकासको मार्गनिर्देशन भएको ...

आलेख

'कुकुर्नी कमिनीको बकपत्र'

साउन २२, २०७९

थुक्क कुकुर्नी भनेर कडा स्वभावका आमाहरूले आफ्ना छोरीलाई गाली गर्दा 'त्यसो नभन्नु न यार' भनेर मैले धेरैपटक खिन्नता प्रकट गरेको छु । तर, मलाई पनि आमाले यदाकदा कुकुर भनेर सम्बोधन गर्नुभएको छ । धन्न पण्डित ...

आलेख

राजनीतिसँगका जनअपेक्षा– अवस्था बदल्ने कि नेता ?

साउन २२, २०७९

राजनीति एउटा त्यस्तो विशेष नीति, दर्शन वा मार्गचित्र हो जसका माध्यमबाट नागरिक जीवनलाई सुखद्, सहज र प्रतिष्ठापूर्ण बनाउन सकिन्छ । यो कठोर साधना पनि हो । राजनीतिले सार्वजनिक जीवनलाई सदैव उच्च महत्त्व दिन्छ र आफ्नो घो...