२७ असार २०८३, शनिबार
हेटौँडा उपमहानगरपालिका वडा नम्बर ४ का वडाध्यक्ष नवीन सिग्देलमाथि कार्यकक्षमै कुटपिट भएको छ । नेकपा एमाले मकवानपुरका जिल्ला सचिवसमेत रहेका सिग्देललाई एमाले नेता सानु लामा दोङले कुटपिट गरेका हुन् ।
सिग्देलले मंगलबार नै जिल्ला प्रहरी कार्यालय मकवानपुरमा लामाविरुद्ध उजुरी दिएका छन् । कुटपिट गर्ने दोङ फरार रहेको जिल्ला प्रहरी कार्यालय मकवानपुरका प्रहरी प्रमुख प्रहरी उपरीक्षक वामदेव गौतमले जानकारी दिए ।
सिग्देल ०७४ र ०७९ को स्थानीय निर्वाचनमा लगातर वडा अध्यक्षमा निर्वाचित भएका एमाले नेता हुन् भने दोङ एमाले निकट युवासंघ नेता र जिल्ला खेलकुद विकास समिति मकवानपुरका पूर्वअध्यक्ष समेत हुन् ।
