नेपाली कांग्रेसका सांसद जीपछिरिङ लामाले नेपाली भूमि भारतबाट कहिले फिर्ता आउँछ भनी सरकारलाई प्रश्न गरेका छन् । शुक्रवार प्रतिनिधि सभाको बैठकमा बोल्दै उनले लिपुलेक, कालापानी र लिम्पियाधुरालगायतका नेपाली भूमि भारतबाट कहिले फिर्ता आउँछ भनी सरकारलाई प्रश्न गरेका हुन् । 

उनले संसद्मा बोल्ने क्रममा भने, ‘म अहिलेको सरकारलाई पनि सोध्न चाहान्छु, लिपुलेक हाम्रो जमिन हो । त्यो छिमेकीसँग वार्ता गरेर जमिन कहिले फिर्ता आउँछ ? म सोध्न चाहन्छु ।’ 

सांसद लामाले आगामी निर्वाचनमा श्रीमान श्रीमती दुवैजनालाई टिकट दिन नहुने व्यवस्था गर्न पनि माग गरेका छन् । उनले भने, ‘श्रीमान प्रत्यक्ष टिकट पायो भने श्रीमती समानुपातिकमा, श्रीमान समानुपातिकमा भए श्रीमती प्रत्यक्षमा हुने परिपाटी हटाउनुपर्छ । किनभने श्रीमान, श्रीमती दुवै सांसद हुँदा अरु हरेक पार्टीका कार्यकताहरुले टिकट नपाउने र त्याग तपस्यालाई सधै समस्या परिरहने । निर्वाचन आयोगले नियमावली संशोधन गरेर अब श्रीमान र श्रीमती दुईटै उम्मेदवार भए खारेज गर्ने नियम बनाउनुपर्छ ।’