१४ असार २०८३, आइतबार
लागूऔषध चरेश मुद्दामा बाँके जिल्ला अदालतको फैसलाले १ वर्ष ३ महिना कैद भई १ वर्ष १ महिना कैद बेरुजु रही फरार रहेकी जाजरकोटको नलगाड नगरपालिका–३ बस्ने ६७ वर्षीया ओमकुमारी थापालाई पक्राउ गरिएको छ ।
गोप्य सूचनाका आधारमा ईलाका प्रहरी कार्यालय दल्लीबाट खटिएको प्रहरी टोलीले खोजतलास गर्दा आफ्नै घरमा लुकिछिपी बसेको अवस्थामा फेला पारेको प्रहरीले जनाएको छ ।
प्रहरीले आवश्यक कारवाहीका लागि थापालाई जिल्ला अदालत जाजरकोटमा उपस्थित गराएको थियो । जिल्ला अदालतले कारागार कार्यालय जाजरकोट चलान गरेको प्रहरीले जनाएको छ ।
