राष्ट्रिय सभाबाट पारित भई प्रतिनिधि सभामा आएको मिडिया काउन्सिल विधेयक दफावार छलफलका लागि समितिमा गएको छ ।

प्रतिनिधि सभाको बुधवार बसेको बैठकले विधेयकलाई दफावार छलफलका लागि समितिमा पठाएको हो ।

बुधवारको सम्भावित कार्यसूचीमा बुधवारै विधेयक पारित गर्ने तयारी रहेपनि अन्तिममा समितिमा पठाइएको हो । २०७५ सालमा तत्कालीन केपी ओली सरकारले राष्ट्रिय सभामा ल्याएको विधेयक लामो छलफलपछि पारित भएको थियो ।

प्रतिनिधि सभाको कार्यकाल सकिनै लाग्दा सरकारले यो विधेयक अगाडि बढाएको छ ।