अमेरिकाले युक्रेन तथा उसका छिमेकीहरूलाई अमेरिकी सैन्य उपकरण किन्नका लागि २ अर्ब डलर बराबरको ऋण तथा अनुदान उपलब्ध गराउने भएको छ । 

बिहीवार अमेरिकाको परराष्ट्र मन्त्रालयले यसको जानकारी दिएको हो । 

यसका अतिरिक्त अमेरिकाले युक्रेनलाई साढे ६७ करोड डलर बराबरको सैन्य उपकरण पनि उपलब्ध गराउने रक्षामन्त्री लोयड अस्टिनले बिहीवार बताएका छन् । युक्रेनको हतियार भण्डार बढाउने विषयमा साझेदारहरूसँगको वार्ताअघि अस्टिनले यसको जानकारी दिएका हुन् । 

युक्रेनले खार्किभको युद्धभूमिमा सफलता पाइरहेको अमेरिकाले विचार गरेको र थप सहायता दिन खोजेको अस्टिनको भनाइ छ ।