२१ असार २०८३, आइतबार
देशभर डेंगु रोगको संक्रमण बढ्न थालेपछि सरकारले ‘लामखुट्टेले फुल पार्ने ठाउँहरू खोजौँ र नष्ट गरौँ’ अभियान सञ्चालन गर्ने भएको छ । स्वास्थ्य तथा जनसंख्या मन्त्रालयले अभियान सञ्चालन गर्ने निर्णय गरेको हो ।
मन्त्रालयले उक्त अभियान सञ्चालन गर्नका लागि सबै स्थानीय तहसँग समन्वयका लागि संघीय मामिला तथा सामान्य प्रशासन मन्त्रालयलाई आग्रहसमेत गरेको छ । मन्त्रालयले प्रत्येक शनिवार बिहान १० बजे १० मिनेट छुट्याई घरभित्र र बाहिर लामखुट्टेले फुल पार्ने ठाउँहरू खोजेर नष्ट गर्ने अभियान सञ्चालन गर्ने तय गरेको छ । 
