×

X
Nic Asia
Marvel
Khukuri

प्राकृतिक विविधताले भरिपूर्ण बर्दिया राष्ट्रिय निकुञ्ज । उत्तरमा चुरे पहाड, दक्षिणमा तराईको समथर फाँट । निकुञ्जलाई मध्यभागमा पारेर पूर्वमा बबई नदीे अनि पश्चिममा कर्णाली बगेको छ । बीचमा जैविक विविधताले भरिपूर्ण प्रकृतिको वरदान बर्दिया राष्ट्रिय निकुञ्जको हरियाली छ ।

DHARA
LAxmi BAnk

हरियाली फाँटमा चरेका मृग, मृगका क्रियाकलाप अझ तिनीहरूका आकर्षक आँखाले घुम्न आउने प्रत्येक पर्यटकलाई आकर्षित गर्छ । त्यति मात्र होइन, अनेकौं भौगोलिक विविधताको अनुपम समिश्रणबीच पश्चिम नेपालकै सुन्दर पर्यटकीय गन्तव्य बर्दिया राष्ट्रिय निकुञ्जले सबैको मन लोभ्याउने गर्छ ।


Advertisment
NMB BANK
RMC TANSEN
NIC ISLAND BOX

बर्दिया राष्ट्रिय निकुञ्ज खासगरी बाघका लागि परिचित छ । नेपालले बाघ संरक्षणको अभियानलाई तीव्रता दिएसँगै बाघको संख्या उल्लेख्य बढेको छ । त्यसमा बर्दिया राष्ट्रिय निकुञ्जको पनि ठूलो योगदान छ । यस निकुञ्जमा पनि बाघको संख्यामा वृद्धि भएको छ ।


Advertisment
Bizbazar
Saurya island

तर आजको फोटो कथामा बर्दियाको बाघभन्दा बाघको वृद्धि हुनमा सघाउ पु¥याउने र वन्यजन्तुको पारिस्थितिकीय प्रणालीमा महत्त्वपूर्ण भूमिका खेल्ने मृगको फोटोकथा प्रस्तुत गर्दैछु ।

Vianet communication
IME BANK INNEWS

प्रायः मानिसहरू बर्दिया राष्ट्रिय निकुञ्जमा प्राकृतिक आनन्दका लागि पुग्ने गर्छन्, जहाँ वन्यजन्तु, चराचुरुंगी, हरिया फाँट र खोला नालामा रमाउने उत्कट इच्छा बोकेर पुग्ने गर्दछन् । यी प्राकृतिक सुन्दरतामा रमाउनेबाहेक त्यहाँ पुग्ने सबैको एउटै चाहना हुन्छ बाघ हेर्ने । समय र मौसमले साथ दिएको खण्डामा बर्दिया राष्ट्रिय निकुञ्जमा बाघ देखिन्छ ।

मेरो बर्दिया निकुञ्जको भ्रमण यसपटक वर्षाको समय साउन महिनामा भएको थियो । वर्षाको समयमा वन जंगलमा घाँस र झाडी निकै बढिसकेको थियो, वर्षामा यो स्वाभाविक पनि हो । झाडीका कारणले गर्दा यस समयमा बाघ देख्न मुस्किल पर्ने रहेछ, त्यसैले लामो बसाइमा पनि बाघको दर्शन पाउन सकिएन ।

बाघ नदेखिए पनि मलाई प्रत्येक दिन निकुञ्ज घुम्दा देखिने मृगका हुल र ती मृगका चनाखो आकर्षक आँखाले लोभ्याउँथ्यो । बच्चासहित चरनमा चरेको मृगले प्राकृतिक आनन्दको अनुभूतिमा अझ उत्साही बनेर नजिक जाउँजाउँ जस्तै लाग्ने । निकुञ्जमा प्रशस्त मात्रामा देखिने मृगले पर्यटकलाई सबैभन्दा पहिले स्वागत गर्छ । धेरै र नजिकबाट देखिने मृगहरू नै हुन् तर जंगलको शेर बाघको दर्शनका लागि यहाँ आउने हरेक पर्यटक लालायित हुन्छन् । जति नै लालायित भए पनि हत्तपत्त बाघको दर्शन पाउन सकिँदैन । यसको मतलब फेरि बर्दियामा बाघ देख्नै सकिँदैन भन्ने चाहिँ होइन । मृगजस्तै सजिलै देख्न सकिँदैन भन्न खोजेकी मात्र हुँ ।

त्यसैले मेरो भाग्यमा यसपटक बाघ हेर्न जुरेन, मृगकै फोटो खिचेर चित्त बुझाउँदै फेरि कुनै समय बर्दिया राष्ट्रिय निकुञ्ज जाने मौका जुराएर बाघको फोटो खिच्ने उत्कट चाहना पूरा भएपछि बाघको फोटो कथा लिएर आउने छु ।

त्यसो त बर्दिया निकुञ्जमा पाटेबाघ, एकसिङ्गे गैंडा, चितुवा, घोडगधा, जरायो, चित्तल, लगुना र जंगली हात्ती लगायत विभिन्न प्रजातिका स्तनधारी वन्यजन्तु पाइन्छन् । जलचरहरूमा घडियाल गोही, मगर गोही, सोस र विभिन्न किसिमका माछा पाइन्छन् ।

यसपटक मेरो क्यामेराले कैद गरेका फोटोकथामा मृगको बथान । 

 

 

(अनन्ता भण्डारी विगत १० वर्षदेखि आमसञ्चारमाध्यममा संलग्न रहँदै आएकी छन् । विशेषगरी पर्यापर्यटन, वातावरण, निकुञ्ज क्षेत्र लगायतको वृत्तचित्र निर्माण, निर्देशन र छायांकन गर्नुका साथै फोटो पत्रकारिता गर्दै आएकी छन् ।) 

Maruti inside
TATA Below
NLIC
ncc inside
असोज १५, २०७९

कृषि व्यवसाय भनेपछि अझै पनि गाउँघरमा राम्रो दृष्टिले हेरिन्न । त्यसैमाथि पशुपालन गर्नेलाई समाजले झट्ट राम्रो काम भन्न सक्दैन । कृषिप्रति अनिच्छा र उपेक्षा बढिरहेको अवस्थामा सबैका लागि अहिले अनुकरणीय बनेका छन् ...

भदौ २५, २०७९

मोरङको सुन्दरहरैंचास्थित विराटचोकका भक्तबहादुर घिमिरे विगत ३७ वर्षदेखि साइकल बनाउने व्यवसायमा सक्रिय छन् ।  यसैबाट जीविकोपार्जन गर्दै आएका भक्तबहादुर अहिले पनि बिहानैदेखि साइकलको ‘फ्रेम’ ज...

भदौ २५, २०७९

खोटाङको खोटाङ दिक्तेल मजुवागढी नगरपालिकाका महानन्द सुवेदी र लीला मायाका ४ सन्तान छन् । चारै जना यतिबेला निजामती सेवामा छन् । ३ छोरा र १ छोरी नै सरकारी जागिरे छन् । जेठा रुद्रप्रसाद कोशी अस्पतालको लेखापाल...

असोज ६, २०७९

दैलेख जिल्ला प्रवेश गर्ने पूर्वको जाजरकोटदेखि पश्चिमको अछामसम्म मध्यपहाडी राजमार्गले ल्याएको परिवर्तन १० वर्षअघि दैलेखका वासिन्दाको लागि कल्पनाको विषय थियो । अझै दैलेख सदरमुकाम भएर मध्यपहाडी आउला भन्ने त सदरमु...

भदौ २५, २०७९

पहाडको टुप्पोमा छ मुठाचौर । यहाँभन्दा माथि कुनै बस्ती छैन ।  तमानखोला गाउँपालिका–२ मा पर्ने मुठाचौर बागलुङ जिल्लाकै उच्च स्थानमा रहेको बस्ती हो । भौगोलिक हिसाबले निकै विकटमा रहेको मुठाचौर पर्य...

भदौ १८, २०७९

यूके आर्मीमा जागिर खाने लक्ष्य लिएर मोरङको सुनवर्षी नगरपालिका–१ का गणेश राईले बिहान–साँझ नभनी ४ वर्ष मेहनत गरे तर उनको मेहनत खेर गयो ।  आर्मीमा जागिर खाने गरी देखेको सपना सधैंका लागि ...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x