१० साउन २०८३, आइतबार
इथियोपियाको टिग्रेमा पृथक्तावादीहरूका विरुद्ध विगत दुई वर्षदेखि चलिरहेको गृहयुद्धका क्रममा सरकारी सेनाले गरेको हवाई आक्रमणमा १० जनाको ज्यान गएको छ ।
टिग्रेको राजधानी मेकेलेमा गरिएको उक्त हवाई आक्रमणमा थप १३ जना घाइते भएका छन् ।
पृथक्तावादी टिग्रे पिपुल्स लिबरेसन फ्रन्ट (टीपीएलएफ) का अधिकारीहरूले द्वन्द्वमा इरिट्रियाका सुरक्षाफौज पनि सहभागी बनेको बताएका छन् । उनीहरूले द्वन्द्व शुरू हुँदा सामूहिक बलात्कार, यातना र सर्वसाधारणको सामूहिक हत्या गरेको आरोप टीपीएलएफले लगाएको छ ।
इथियोपिया सरकारले हवाई आक्रमणका विषयमा टिप्पणी गरेको छैन । द्वन्द्वमा इरिट्रियाका फौजको सहभागिता तथा टिग्रेका अस्पतालहरूमा आधारभूत औषधोपचारको कमीका विषयमा पनि उसले केही बताएको छैन ।
