काठमाडौंको कागेश्वरी मनोहरा–९ हात्तीडाँडामा ब्याडमिन्टन प्रतियाेगिता शुरू भएको छ । हात्तीडाँडा समाजद्वारा आयोजित स्व. चुडामणि गिरी तथा जुनुकुमारी गिरी स्मृति ब्याडमिन्टन प्रतियोगिताको पूर्वसभामुख एवं माओवादी केन्द्रकी स्थायी समिति सदस्य ओनसरी घर्तीले शुक्रवार बिहान उद्घाटन गरिन् । 

सत्ता गठबन्धनका तर्फबाट काठमाण्डौं–२ की प्रतिनिधिसभा सदस्य उम्मेदवारसमेत रहेकी घर्तीले खेलकुदले मानिसलाई स्वस्थ, निरोगी र अनुशासित बनाउने उल्लेख गरिन् ।

पूर्वखेलकुदमन्त्रीसमेत रहेकी घर्तीेले समाजलाई एकताबद्ध गर्न पनि खेलकुद क्षेत्रको महत्वपूर्ण भूमिका रहेको चर्चा गरिन् । 

कार्यक्रममा कागेश्वरी मनोहरा–९ का वडाअध्यक्ष अनिल थापा, हात्तीडाँडा समाजकी अध्यक्ष विना दाहाल र स्व. गिरीद्वयका पुत्र श्याम गिरीले काठमाडौं–२ ले पूर्वसभामुखजस्तो राष्ट्रिय व्यक्तित्वलाई उम्मेदवारका रुपमा पाएको भन्दै जितको शुभकामना दिए । निर्वाचनमा विजय वा पराजय जे भए पनि काठमाडौं–२ नछाड्न र सो क्षेत्रको विकासमा योगदान दिन घर्तीलाई उनीहरूको सुझाव थियो ।