२६ जेठ २०८३, मंगलबार
इजिप्टको राजधानी कायरोको उत्तरमा पर्ने डाकाहलिया प्रान्तमा मंगलवार भएको सडक दुर्घटनामा परी कम्तीमा ११ जनाको मृत्यु भएको छ । दुर्घटनामा परी अन्य ९ जना घाइते भएका छन् ।
राजमार्गको पुलतर्फ चालकसहित १४ जना बोकेको एउटा मिनीबस जाँदै गर्दा पुलमुनि विपरीत सडकबाट निकै तीव्र गतिमा आउँदै गरेको लरीले ठक्कर दिएको डकाहलिया प्रान्तको फेसबूक पेजमा राखिएको एउटा विज्ञप्तिमा जनाइएको छ ।
मृत्यु हुनेहरू सबै एकै परिवारका रहेका छन् । ६ बालबालिकासहित एकै परिवारका ११ जनाको मृत्यु भएको जनाइएको छ । घटनामा घाइते भएका सबैलाई दुर्घटनास्थल नजिकैको सार्वजनिक अस्पतालमा भर्ना गरिएको समाचारमा जनाएको छ ।
