११ साउन २०८३, सोमबार
राष्ट्रिय स्वतन्त्र पार्टीका सभापति एवं चितवन क्षेत्र नम्बर २ का प्रत्यक्ष तर्फका उम्मेदवार रवि लामिछानेले नागरिकताको विषयमा फेरि कति पटक स्पष्टीकरण दिनुपर्ने हो भन्दै प्रश्न सोधेका छन् ।
उनले बुधवार बिहान फेसबूकमा भिडियो सन्देश जारी गर्दै यस्तो प्रश्न सोधेका हुन् ।
मंगलवार आफ्नो उम्मेदवारी खारेजीको माग गर्दै उजुरी परेपछि लामिछानेले यसबारे सामाजिक सञ्जालमा स्पष्टीकरण पारेका हुन् ।
उनले फेसबूकमा लेखेका छन्,'एउटा नेपालीले पहिले प्रेस काउन्सिलमा, त्यसपछि २०७६ सालमा चितवन प्रहरीमा, त्यसपछि चितवन जिल्ला सरकारी वकिलको अभियोग पत्रमा, अनि चितवन जिल्ला अदालतको आदेश र फैसलामा, अनि उच्च अदालत हेटौडाको आदेशमा, अनि चितवन जिल्ला सरकारी वकिल कार्यालयदेखि महान्यायाधिवक्ताको कार्यालयसम्म नागरिकताको विषय समेतमा विवेचना भई सेटल भइसकेपछि फेरि कति पटक स्पष्टीकरण दिनु पर्ने हो ?'
