चीनमा लकडाउनका विरुद्ध भइरहेको प्रदर्शनको समाचार बनाउन पुगेका बीबीसीका एक पत्रकारलाई प्रहरीले पक्राउ गरेर कुटपिट गरेको आरोप लगाइएको छ । 

भीडमा हुँदा कोभिड लाग्न सक्ने भएकाले ती पत्रकारलाई जोगाउनका लागि नियन्त्रणमा लिइएको चिनियाँ प्रहरीले दाबी गरेको छ । 

शांघाई शहरमा एडवर्ड लरेन्स नामक पत्रकारलाई चिनियाँ अधिकारीहरूले घिसारेर लगेका थिए । घिसारिने क्रममा उनले साथीलाई चिच्याएर कन्सुलेटमा फोन गर भनेका थिए । 

लरेन्सलाई प्रहरीले कुटेर लात्ता पनि हानेको आरोप छ । उनलाई घन्टौंसम्म हिरासतमा राखिएको बताइएको छ ।

तर लरेन्सकै हितका लागि उनलाई नियन्त्रणमा लिइएको चिनियाँ प्रहरीको भनाइ छ ।